شىعىس قازاقستان وبلىسى بويىنشا قارجى مونيتورينگى اگەنتتىگىنىڭ اۋماقتىق دەپارتامەنتىنىڭ قىزمەتكەرلەرى مۇناي ونىمدەرىن رۇقسات قۇجاتتارىنسىز ساتۋ فاكتىسىنىڭ جولىن كەستى, دەپ حابارلايدى Egemen.kz.
«تەرگەۋ بارىسىندا ءۇرجار اۋدانىنىڭ تۇرعىنى س.كالينوۆا 151 ملن تەڭگە سوماسىنا 600 توننادان استام ديزەل وتىنىن ولاردىڭ شىعۋ زاڭدىلىعىن راستايتىن قۇجاتتارسىز ساتقانى انىقتالدى», دەپ حابارلادى قارجى مونيتورينگى اگەنتتىگىنىڭ باسپاسوز قىزمەتى.
جاسالعان زاڭسىز ارەكەت ءۇشىن ايىپتالۋشى 3 جىلعا شارتتى تۇردە سوتتالدى.