اسكەري كوتەرىلىستەن كەيىن تاراتىلعان سۋدان ۇكىمەتىنىڭ باسشىسى ابدۋللا حامدۋك ءوز مىندەتىنە قايتا ورالادى, دەپ حابارلايدى Egemen.kz «انادولى» اگەنتتىگىنە سىلتەمە جاساپ.
سۋداندىق اقپارات قۇرالدارىنىڭ حابارلاۋىنشا, حامدۋك قازان ايىندا بيلىكتى باسىپ العان اسكەريلەرمەن, سۋدان ەگەمەندىك كەڭەسىنىڭ مۇشەلەرىمەن ءتيىستى كەلىسىمگە كەلگەن.
كەلىسىمگە سايكەس, حامدۋك بيلىكتەن قۋىلعان ومار ءال-باشير پرەزيدەنتتىگى كەزىندەگى بيلەۋشى پارتيا ۇلتتىق كونگرەسستەن باسقا بارلىق ساياسي كۇشتەرمەن كەڭەسكەننەن كەيىن ۇكىمەتتى قايتا قۇرادى.
اسكەريلەر مەن حامدۋك بىرقاتار ماسەلەلەردە, سونىڭ ىشىندە بارلىق ساياسي تۇتقىنداردى بوساتۋ تۋرالى كەلىسىمگە كەلدى.