جەزقازعان-ەسىل-پەتروپاۆل تراسساسىندا بىرنەشە كولىك سوقتىعىسىپ, زارداپ شەككەن ادامدار اۋرۋعاناعا جەتكىزىلدى, دەپ جازادى Egemen.kz.
«21 قاراشادا ساعات 19:00-دە 26 جاستاعى Hyundai Creta جۇرگىزۋشىسى, جەزقازعان-ەسىل-پەتروپاۆل تاس جولىندا ساتباەۆقا قاراي كەلە جاتىپ, Chevrolet Nexia كولىگىمەن سوقتىعىسقان. قاتتى سوققىدان Hyundai Creta Daewoo Nexia كولىگىمەن بارىپ سوقتىعىسقان», دەپ حابارلادى قاراعاندى وبلىسى پد ءباسپاسوز قىزمەتى.
وقيعا سالدارىنان Hyundai Creta جۇرگىزۋشىسى مەن ەكى جولاۋشىسى, سونداي-اق Daewoo Nexia جۇرگىزۋشىسى مەديتسينالىق مەكەمەگە جەتكىزىلدى.
«فاكتى پوليتسيادا تىركەلدى, ونىڭ قورىتىندىسى بويىنشا ءتيىستى ساراپتامالار تاعايىندالدى, وسىعان بايلانىستى شەشىم قابىلداناتىن بولادى», دەپ اتاپ ءوتتى ءتارتىپ ساقشىلارى.