اقتوبەدە قار جاۋىپ, بوراپ تۇر. قازىر اقتوبەدەن باتىس قازاقستان وبلىسى اراسىنداعى جول جابىق, دەپ حابارلايدى Egemen.kz.
اقتوبە وبلىستىق توتەنشە جاعدايلار دەپارتامەنتى بۇگىن جەلدىڭ جىلدامدىعى سەكۋندىنا 28 مەترگە جەتىپ, بوران بولاتىنىن ەسكەرتتى.
ىلە-شالا وبلىستىق پد ءباسپاسوز قىزمەتى بوران سوعىپ, اقتوبە مەن باتىس قازاقستان وبلىسىنىڭ شەكاراسىنا دەيىنگى اۋماقتىڭ جابىلعانىن حابارلادى. سونىمەن بىرگە شۇبارقۇدىق اۋىلىنان اتىراۋ وبلىسىنىڭ شەكاراسىنا دەيىنگى ارالىقتا كولىك قوزعالىسى شەكتەلدى.
ايتا كەتەيىك, اقتوبەدە العاشقى قار 11 قاراشا كۇنى جاۋدى. وندا جۇك كولىكتەرى جولدا قالىپ, قۇم مەن تۇز سەبۋ جۇمىستارى جۇرگىزىلدى.