رەسەيدىڭ نيجەگورود وبلىسىندا جولاۋشىلار اۆتوبۋسى اۋدارىلىپ قالدى. كولىكتە 35 ادام بولعان, دەپ حابارلايدى Egemen.kz.
بۇل تۋرالى تاسس اگەنتتىگى مالىمدەدى.
«تاڭعى ساعات 06:10-دا تومەنگى نوۆگورود-يۆانوۆو جولىنىڭ 333-ءشى شاقىرىمىندا اۆتوبۋس جۇرگىزۋشىسى كوكتايعاقتى ەسكەرمەي, جولدىڭ شەتىنە شىعىپ كەتىپ, اۋدارىلىپ قالعان. اۆتوبۋس يۆانوۆو قالاسىنا تاپسىرىس بويىنشا بارا جاتقان. ونىڭ ىشىندە 34 جولاۋشى مەن جۇرگىزۋشى بولعان», دەدى وبلىستىڭ جول قوزعالىسى قاۋىپسىزدىگى مەملەكەتتىك ينسپەكتسياسىنىڭ ءباسپاسوز قىزمەتى.
13 جولاۋشى جەڭىل جانە ورتا دەڭگەيدەگى جاراقات العان, قالعاندارى امان.
«جول-كولىك وقيعاسىنىڭ سالدارىنان 12 ادام اۋرۋحاناعا جاتقىزىلدى», دەلىنگەن حابارلامادا.
نيجەگورود وبلىسى گۋبەرناتورىنىڭ ورىنباسارى – دەنساۋلىق ساقتاۋ ءمينيسترى داۆيد مەليك گۋسەينوۆبىر ادامنىڭ اۆتوبۋس سالونىندا قىسىلىپ قالعانىن مالىمدەدى.
ء«بىر ادام ورىندىقتار اراسىندا قىسىلىپ قالعان, شىعارىلعاننان كەيىن ول بالاحنانىڭ ورتالىق اۋداندىق اۋرۋحاناسىنا جاتقىزىلادى», دەدى مەليك گۋسەينوۆ.