مەملەكەت باسشىسى قاسىم-جومارت توقاەۆ الماتى قالاسىنا جۇمىس ساپارى اياسىندا جاڭادان اشىلعان الەۋمەتتىك قىزمەت كورسەتۋ ۇيىنە باردى, دەپ حابارلايدى Egemen.kz.
پرەزيدەنت قىزمەت كورسەتۋ زالىن ارالاپ كورىپ, ورتالىقتىڭ كۇندەلىكتى اتقارىپ جاتقان جۇمىستارىمەن تانىستى. مەملەكەت باسشىسىنا مەكەمەنىڭ رەسپۋبليكا بويىنشا ازىرگە جالعىز الەۋمەتتىك ورىن ەكەنى جانە وسى تاجىريبەنى ەل كولەمىندە قولدانىسقا ەنگىزۋ قاراستىرىلىپ جاتقانى جونىندە مالىمەت بەرىلدى. بۇل مەكەمە حالىقتىڭ الەۋمەتتىك جاعدايى تومەن توپتارىنا, تۇرمىستىق ماسەلەلەرىمەن جۇگىنگەن ازاماتتارعا ء«بىر تەرەزە» قاعيداتى بويىنشا ءتۇرلى سالادا قىزمەت كورسەتەدى.
اتالعان ورتالىققا تىرشىلىك تاۋقىمەتىن تارتقان, وتباسىلىق كەلىسپەۋشىلىك پەن قيىندىقتار كورگەن ازاماتتار جۇگىنەتىنى ەسكەرىلىپ, وندا ادۆوكات, پسيحولوگ بولمەلەرى اشىلعان. سونداي-اق مۇندا بالالارىمەن كەلگەن قوناقتارعا ىڭعايلى بولۋ ءۇشىن ويىن الاڭى دا قاراستىرىلعان.