ستۋدەنتتەر مەكتەپتەردە تاجىريبەدەن وتۋدە

ۋنيۆەرسيتەت رەكتورى دارحان ءبىلالوۆتىڭ ايتۋىنشا, جوعارى وقۋ ورىندارىنىڭ باسشىلارى پەداگوگيكالىق جوعارى وقۋ ورنى مەن ورتا ءبىلىم بەرۋ ورىندارى اراسىنداعى بىرلەسكەن جۇمىستاردى, ستۋدەنتتەردىڭ وندىرىستىك تاجىريبەنى قالاي ءوتىپ جاتقاندىعى تۋرالى دەر كەزىندە ءبىلىپ وتىرۋ ىنتىماقتاستىق اياسىنداعى ماڭىزدى شارتتاردىڭ ءبىرى.

وسى ورايدا ىنتىماقتاستىق شارتتارىن جۇزەگە اسىرۋ ماقساتىندا قالاداعى №19 ورتا مەكتەپتە اباي اتىنداعى قازۇپۋ ماتەماتيكا, فيزيكا جانە ينفورماتيكا ينستيتۋتىنىڭ 4-ءشى كۋرس ستۋدەنتى اسەم ساعىمبەك ماتەماتيكا پانىنەن اشىق ساباق ءوتىپ, وعان ۋنيۆەرسيتەت رەكتورى دارحان ءبىلالوۆ, مەدەۋ اۋداندىق ءبىلىم بەرۋ ءبولىمىنىڭ باسشىسى اعايشا ساپاروۆا, №19 جالپى ءبىلىم بەرەتىن مەكتەپتىڭ ديرەكتورى ايىمگۇل يمانعاليەۆا, ديرەكتوردىڭ وقۋ ءىسى جونىندەگى ورىنباسارى شىڭعىس ءابدىماناپ, سونداي-اق پەداگوگيكالىق پراكتيكا جەتەكشىسى لاريسا جادىراەۆا قاتىستى.

دارحان ءبىلالوۆ بولاشاق پەداگوگپەن كەرى بايلانىس بارىسىندا پراكتيكانتتىڭ پەداگوگيكالىق ءادىس-تاسىلدەردى قولدانۋىنا قاتىستى ءوز پىكىرىن ايتىپ, تاجىريبەسىمەن ءبولىستى. ول №19 مەكتەپ وقۋشىلارىمەن جانە ءبىر جىلدىق تاجىريبەدەن ءوتىپ جاتقان ستۋدەنتتەرمەن كەزدەسىپ, ءتۇرلى ماسەلەلەر بويىنشا وي ءبولىستى. رەكتور ۋنيۆەرسيتەت باسشىلىعىنىڭ قاتىسۋىمەن وتەتىن اشىق ساباقتار توپتاماسى الداعى ۋاقىتتا دا جالعاساتىنىن اتاپ ءوتىپ, ەندىگى كەزەكتە ۋنيۆەرسيتەتتەگى پرورەكتورلار مەن ينستيتۋت ديرەكتورلارى ەكى اپتا بويى اشىق ساباقتارعا قاتىساتىندىعىن جەتكىزدى.

مەموراندۋم اياسىندا ۋنيۆەرسيتەت ستۋدەنتتەرىنە كاسىبي داعدىلارىن دامىتۋعا, تاعىلىمدامادان وتۋگە جانە تۇلەكتەردىڭ جۇمىسقا ورنالاسۋىنا بايلانىستى كەڭەستەر ءبىرىلىپ, جاستار ساياساتى سالاسىنداعى ءتيىمدى ىنتىماقتاستىق ەسەبىنەن زياتكەرلىك ەليتانى قالىپتاستىرۋعا باعىتتالعان باسىمدىقتاردى, بىرلەسكەن مادەني-ءبىلىم بەرۋ باعدارلامالار مەن جوبالاردى جۇزەگە اسىرۋ, جوعارى وقۋ ورىندارى مەن جالپى ءبىلىم بەرەتىن مەكتەپ وقىتۋشىلارىنىڭ بىلىكتىلىگىن ارتتىرۋ جۇمىستارى ىسكە اساتىن بولادى.

الماتى