الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى, قالانىڭ باس مەملەكەتتىك سانيتارلىق دارىگەرى جانداربەك بەكشين جەلتوقسان ايىنا كوروناۆيرۋس بويىنشا ەپيدەميولوگيالىق بولجام جاسادى, دەپ حابارلايدى Egemen.kz.
ونىڭ ايتۋىنشا, جرۆي مەن تۇماۋدىڭ ءورشۋى كەزىندە كوروناۆيرۋس اۋرۋى ءوسۋى مۇمكىن.
«قازىر جرۆي جانە تۇماۋ اۋرۋلارى وسۋدە. جاعداي ءبىر ءماندى ەمەس. وسىعان بايلانىستى كوروناۆيرۋس اۋرۋىنىڭ ءوسۋ قاۋپى ساقتالۋدا. بىزدە ۆاكتسينا سالدىرماعان كوپتەگەن ادامدار بار. بۇل ادامدار جەلتوقسان ايىندا اۋرۋدىڭ ءوسۋىن تۋدىرۋى مۇمكىن. سوندىقتان بىزگە قازىر بەلسەندى تۇردە ەكپە جاساتۋ قاجەت», دەدى ول.
قالانىڭ باس سانيتارلىق دارىگەرى اتاپ وتكەندەي, بۇگىندە الماتىلىقتاردىڭ 48,1%-ى كوروناۆيرۋسقا قارسى ۆاكتسينا سالدىرعان.
سونداي-اق, بەكشين ۋاقىت وتە كەلە انتيدەنەلەردىڭ كونتسەنتراتسياسى تومەندەۋىنە بايلانىستى ۆاكتسينالاردىڭ العاشقى دوزالارىن العاننان كەيىن 6 نەمەسە 9 اي وتكەن سوڭ كوروناۆيرۋسقا قارسى رەۆاكتسيناتسيا قاجەت ەكەنىن ەسكە سالدى.
ۆيرۋس جۇقتىرعان الماتىلىقتاردىڭ 82%-ى كوۆيدكە قارسى ەكپە جاساماعان.