ورتا سالماق دارەجەسىندە سىنعا ءتۇسىپ جۇرگەن قازاقستاندىق كاسىپقوي بوكسشى جانىبەك ءالىمحان ۇلى 160 فۋنتتاعى WBC جانە WBO تۇجىرىمدارى بويىنشا الەم چەمپيوندارى دجەرمالل چارلو, دەمەتريۋس اندرادامەن قولعاپ تۇيىستىرۋگە دايىن, دەپ حابارلايدى Egemen.kz.
Delcotimes.com سايتىنىڭ رەداكتورى دجەك ماككاففەري جانىبەكتىڭ ءوز سالماعىنداعى چەمپيوندارمەن رينگكە شىعۋعا دايىن ەكەنىنە بەك سەنىمدى.
«فرانتسۋز حاسسان ندام نجيكاممەن وتەتىن شايقاستا جانىبەك ءالىمحان ۇلىنىڭ جەڭىسكە جەتەتىندىگىنە ەش كۇمانىم جوق. وتكەنى فرانتسۋز بوكسشىسىنىڭ جاسى كەلىپ قالدى. ول جانىبەككە قارسىلىق كورسەتە المايدى. جەڭىسكە جەتكەن جاعدايدا جانىبەك بوكس ۇيىمدارى تاراپىنان جوعارى باعا الاتىنى انىق. الداعى ۋاقىتتا ءالىمحان ۇلىن دجەرمالل چارلو, دەمەتريۋس اندرادە سەكىلدى الەم چەمپيوندارىنا قارسى شايقاستا كورگىم كەلەدى. ولارعا ءالىمحان ۇلىنىڭ ءالى كەلەدى», دەدى دجەك ءوز ويىن تۇيىندەپ.