«وپپوزيتسيالىق پلاتفورما — ءومىر ءۇشىن» پارتياسىنان سايلانعان رادا دەپۋتاتى يليا كيۆا RTVI-گە بەرگەن سۇحباتىندا 2014 جىلى ۋكراينا بيلىگىنە كەلگەن كۇشتەر كيەۆتەگى ءوز پوزيتسياسىن ساقتاۋ ءۇشىن قىرىمنىڭ رەسەيمەن قايتا قوسىلۋىنا كەدەرگى كەلتىرمەۋگە كەلىسكەنىن ايتتى, دەپ حابارلايدى Egemen.kz.
«ۋكراينا بيلىگى قىرىمدى 2014 جىلى بولعان توڭكەرىستى زاڭداستىرۋ ءۇشىن تولەم رەتىندە بەردى. سودان كەيىن بيلىكتىڭ قايتا ءبولىنۋى ورىن الدى, ال رەسەي ىشكى ىسكە ارالاسپاۋى ءۇشىن كوزدى جۇمىپ, قىرىمدى بەرۋ تۋرالى شەشىم قابىلداندى», دەدى كيۆا.
پارلامەنت مۇشەسى تۇبەك تۇرعىندارى ۋكرايناداعى وقيعالارعا بايلانىستى رەسەيمەن قايتا قوسىلۋعا داۋىس بەرگەنىن اتاپ ءوتتى. ول: «قىرىمدىقتار كەڭەستىك كەزەڭنەن قالىپتاسقان رەسەيمەن باۋىرلاستىق قاتىناستاردى جوققا شىعارۋعا جول اشقان ەلدە ءومىر سۇرگىسى كەلمەدى» دەگەن پىكىردى دە ايتتى. ء«دال وسىنداي ۇستانىمدى دونباسس تۇرعىندارى دا قابىلدادى», دەپ اتاپ ءوتتى دەپۋتات.
سونىمەن بىرگە كيۆا رەسەي مەن ۋكراينا قىرىم جانە دونباسس ماسەلەلەرى بويىنشا ءبىر ىمىراعا كەلەدى دەگەن پىكىرىن ءبىلدىردى.