احمەت بايتۇرسىن ۇلى اتىنداعى قوستاناي وڭىرلىك ۋنيۆەرسيتەتىنىڭ SMART-ورتالىعىندا ءوڭىر جاستارىنىڭ Tayelsizdik urpagy ستارتاپ-كونكۋرسى مارەگە جەتتى. بايقاۋ مامىر ايىندا جاريالانىپ, وعان قاتىسۋعا وبلىس مەكتەپتەرىنىڭ جوعارى سىنىپ وقۋشىلارىنان, كوللەدجدەر مەن جوعارى وقۋ ورىندارىنىڭ ستۋدەنتتەرىنەن جۇزگە تارتا ءوتىنىم كەلىپ تۇسكەن.
وسىلايشا, كونكۋرستىڭ ءبىرىنشى كەزەڭىنە وتكەن ءىت-جوبالار, اۋىل شارۋاشىلىعى, تۇرمىسقا قاجەت قۇرالدار مەن تەحنولوگيالار, ءموبيلدى قوسىمشا, ەكولوگيا, ءوندىرىستى اۆتوماتتاندىرۋ, تاماق ءوندىرىسى سياقتى سالالار بويىنشا 63 بيزنەس-جوبا قارالىپ, ولاردىڭ ىشىنەن ەڭ ۇزدىك دەگەن 19 جۇمىس ىرىكتەلىپ الىندى.
فينالدىق كەزەڭنىڭ قورىتىندىسى بويىنشا ۇن مەن كراحمالدان ىدىس جاساۋدىڭ ەرەكشە ءوندىرىسىن ويلاپ تاپقان قوستاناي پوليتەحنيكالىق كوللەدجىنىڭ ستۋدەنتى كارينا روماح ءبىرىنشى ورىن مەن 500 مىڭ تەڭگەلىك اقشالاي سىيلىقتىڭ سەرتيفيكاتىن الدى. جىتىقارا پوليتەحنيكالىق كوللەدجىنىڭ ستۋدەنتى يۆان بازاركين Bailanys.Conferencing اتتى بەينەكونفەرەنتسيا وتكىزۋگە ارنالعان جاڭا جۇيە ۇسىنىپ, ەكىنشى ورىنعا لايىق دەپ تانىلدى. جۇلدەگەر 300 مىڭ تەڭگەنىڭ سەرتيفيكاتىنا يە بولدى. ال ءۇشىنشى ورىن مەن 200 مىڭ تەڭگە اقشالاي سىيلىققا يە بولعان ا.بايتۇرسىن ۇلى اتىنداعى قوستاناي ۋنيۆەرسيتەتىنىڭ تۇلەگى اقىلبەك ارالباەۆ Golden Wear قازاقستاندىق برەند كيىمدەرىنىڭ ۇلگىسىن كورسەتتى. ىسمەردىڭ ايتۋىنشا, بۇل كيىمدەردى تمد ەلدەرىنە ەكسپورتتاۋعا بولادى.
ال قوستاناي پوليتەحنيكالىق كوللەدجىنىڭ وقىتۋشىسى ەركەبۇلان تولەگەنوۆ ء«ۇمىت كۇتتىرەتىن جوبا» اتالىمى بويىنشا جەڭىمپاز اتاندى. Smart mirror دەپ اتالاتىن باسقارىلاتىن ينتەراكتيۆتى اينا جاساپ شىققان ەركەبۇلان ءوز ونىمدەرىن قوستاناي ۋنيۆەرسيتەتى Smart-ورتالىعىنىڭ ساۋدا الاڭىنا ءبىر جىل تەگىن ورنالاستىراتىن بولادى.
قوستاناي وبلىسى