ورتا سالماق دارەجەسىندە باق سىناپ جۇرگەن قازاقستاندىق كاسىپقوي بوكسشى جانىبەك ءالىمحان ۇلى ءوزىن اتالمىش سالماقتىڭ پاتشاسىنا تەڭەدى, دەپ حابارلايدى Egemen.kz.
«حاسسان ندام نجيكام – ءسوزسىز جاقسى بوكسشى. ونىڭ بۇرىنعى الەم چەمپيونى ەكەنى بارشاعا ءمالىم. بوكسشى تالاي جاقسى قارسىلاستارمەن جۇدىرىقتاستى. بىراق مەن مۇلدە باسقامىن, ونى ءبارى بىلەدى.
Qazaq – الەمدەگى ۇزدىك ستيل. بۇل جەكپە-جەك كاسىبي مانسابىمداعى ەڭ جەڭىل كەزدەسۋ بولاتىنى راس. ورتا سالماق دارەجەسىندە ءبىر عانا پاتشا بار. ول – مەنمىن» دەدى جانىبەك ءالىمحان ۇلى ءوز ويىن ءبىلدىرىپ.
20 قاراشا كۇنى لاس-ۆەگاستا وتەتىن بوكس كەشىندە جانىبەك فرانتسيالىق حاسسان ندام نجيكاممەن قولعاپ تۇيىستىرەدى. جەكپە-جەك قازاقستان ۋاقىتىمەن 21 قاراشانىڭ تاڭىندا قازاقستاندىق تەلەارنالاردان تىكەلەي ەفيردە كورسەتىلمەك.