قازاقستان جانە وڭتۇستىك كورەيا رەسپۋبليكاسى اراسىنداعى كەلىسىمگە وراي «اگروۋنيۆەرسيتەت» وقۋ-تاجىريبەلىك شارۋاشىلىعى بازاسىندا اشىلعان 1 گەكتار القاپتاعى «اقىلدى جىلىجايدا» جىلىنا 450 تونناعا جۋىق كوكونىس وسىرىلەتىن بولادى. تاياۋدا اشىلعان جىلىجاي smart تەحنولوگيالاردىڭ كومەگىمەن باسقارىلىپ, وندىرىستىك قۋاتتى القاپتا وسكەن ونىمدەر ساۋدا ورىندارىنا جونەلتىلمەك.قازاقستان جانە وڭتۇستىك كورەيا رەسپۋبليكاسى اراسىنداعى كەلىسىمگە وراي «اگروۋنيۆەرسيتەت» وقۋ-تاجىريبەلىك شارۋاشىلىعى بازاسىندا اشىلعان 1 گەكتار القاپتاعى «اقىلدى جىلىجايدا» جىلىنا 450 تونناعا جۋىق كوكونىس وسىرىلەتىن بولادى. تاياۋدا اشىلعان جىلىجاي smart تەحنولوگيالاردىڭ كومەگىمەن باسقارىلىپ, وندىرىستىك قۋاتتى القاپتا وسكەن ونىمدەر ساۋدا ورىندارىنا جونەلتىلمەك.
Smart-جىلىجاي اۋا رايىنىڭ جاڭبىرلى, قارلى كۇندەرىنە ءتوزىمدى. مۇندا اۋا تەمپەراتۋراسى, ىلعالدىلىق پەن كۇن ساۋلەسى سمارتفون ارقىلى باقىلانادى. بۇل ءوز كەزەگىندە فەرمەرلەرگە ءوندىرىس كولەمىن ۇلعايتىپ, جۇمىس كۇشى شىعىنىن ازايتۋعا مۇمكىندىك بەرەدى.
قاناتقاقتى جوبانىڭ الەۋەتىن ۋنيۆەرسيتەت ستۋدەنتتەرى كەڭىنەن پايدالانىپ, اگروتەحنيكانىڭ زاماناۋي جەتىستىكتەرىن يگەرمەكشى. «اقىلدى جىلىجايدىڭ» اشىلۋ سالتاناتىنا قاتىسقان اۋىل شارۋاشىلىعى ءمينيسترى ەربول قاراشوكەەۆ مۇندا ەلىمىزدىڭ اۋىل شارۋاشىلىعى سالاسىنا قاجەتتى ماماندار دايارلاناتىنىن جەتكىزدى. ياعني وقۋ-تاجىريبەلىك شارۋاشىلىقتا يننوۆاتسيالىق جىلىجايدى پايدالانۋ ارقىلى ستۋدەنتتەر كوكونىس داقىلدارىن ءوسىرۋ تەحنولوگياسىن ءىس-تاجىريبەدە يگەرىپ, اۋىل كاسىپكەرلەرىنە smart تەحنولوگيالارمەن بايلانىستى سەمينار-ترەنينگتەر وتكىزىلمەك. ال عالىمدار اگروتەحنيكالىق, ۇيىمداستىرۋ-شارۋاشىلىق جۇمىستارمەن قاتار عىلىمي-زەرتتەۋلەر جۇرگىزىپ, كوكونىس داقىلدارىنىڭ ءارتۇرلى سۇرپىنىڭ فەنولوگيالىق فازالارىنا مونيتورينگ جاسايدى.
اكادەميك تىلەكتەس ەسپولوۆ بۇگىندە ەلىمىزدىڭ اۋىل شارۋاشىلىعىن دامىتۋ ءۇشىن اگرارلىق عىلىمدى وندىرىسپەن بايلانىستىرا وتىرىپ دامىتۋدىڭ ماڭىزدىلىعىن اتاپ ءوتتى. وڭتۇستىك كورەيا رەسپۋبليكاسىنىڭ تاجىريبەسىندەگى «اقىلدى» يننوۆاتسيالىق تەحنولوگيالار ارقىلى كوكونىس ءوسىرۋ ءادىسىن وتاندىق وندىرىسكە ەنگىزۋ تاياۋ كەلەشەكتە بۇل باعىتتا سونى سەرپىلىسكە ىقپال ەتەتىنى ءسوزسىز.
يننوۆاتسيالىق جىلىجاي قۇرىلىسىن باستاۋ تۋرالى كەلىسىم 2019 جىلى ەلوردادا وتكەن قازاقستان-وڭتۇستىك كورەيا بيزنەس-فورۋمىندا جاسالعان بولاتىن. وسى ىقپالداستىق اياسىندا وتكەن جىلى وڭتۇستىك كورەيا رەسپۋبليكاسىنىڭ اۋىل شارۋاشىلىعى تەحنولوگيالارىن كوممەرتسيالاندىرۋ جانە ەنگىزۋ قورى مەن قازاۇۋ «اگروۋنيۆەرسيتەت» وقۋ-تاجىريبەلىك شارۋاشىلىعى بازاسىندا «اقىلدى جىلىجاي» اشۋ جانە پايدالانۋ تۋرالى كەلىسىم جاسالىپ, ينۆەستيتسيانىڭ نەگىزگى بولىگى شەتەلدىك ارىپتەستەر تاراپىنان جۇمسالىپ وتىر.
الماتى