مەملەكەت باسشىسى قاسىم-جومارت توقاەۆتىڭ قاتىسۋىمەن ۇلتتىق قوعامدىق سەنىم كەڭەسىنىڭ 6-وتىرىسى باستالدى, دەپ حابارلايدى Egemen.kz.
بۇعان دەيىن قر پرەزيدەنتىنىڭ ءباسپاسوز حاتشىسى بەرىك ءۋالي جيىن بارىسىندا مەملەكەت باسشىسىنىڭ ۇلتتىق كەڭەس اياسىندا بەرگەن تاپسىرمالارىنىڭ ورىندالۋ بارىسى, سونداي-اق ۇقسك مۇشەلەرىنىڭ قوعامدىق, الەۋمەتتىك-ەكونوميكالىق جانە وڭىرلىك دامۋ ماسەلەلەرى جونىندەگى ۇسىنىستارى تالقىلانادى دەپ جوسپارلانعانىن حابارلاعان بولاتىن.
وتىرىس كەڭەستىڭ وڭىرلەردەگى مۇشەلەرىنىڭ قاتىسۋىمەن ونلاين فورماتتا ءوتىپ جاتىر. پرەزيدەنتتىڭ ءباسپاسوز قىزمەتى Facebook جەلىسىندەگى AkordaPress پاراقشاسى ارقىلى ۇقسك جيىنىنان تىكەلەي كورسەتىلىم ۇيىمداستىرعان. ايتا كەتەيىك, ۇلتتىق كەڭەس ۇسىنىسىمەن 90-نان استام نورماتيۆتىك-قۇقىقتىق اكتى, ونىڭ ىشىندە 20 زاڭ قابىلداندى. تاعى 12 زاڭ جوباسى ازىرلەنىپ جاتىر.
وسى ۋاقىتقا دەيىن مەملەكەت باسشىسىنىڭ قاتىسۋىمەن كەڭەستىڭ 5 وتىرىسى ءوتتى. سونىمەن قاتار قر پرەزيدەنتى ۇلتتىق كەڭەس مۇشەلەرىمەن 28 جەكە كەزدەسۋ وتكىزدى. 2020 جىلى پاندەميا جاعدايىندا ۇلتتىق كەڭەس مۇشەلەرىنىڭ مينيسترلەرمەن ونلاين كەزدەسۋلەرى ۇيىمداستىرىلدى.