مەملەكەت باسشىسى قاسىم-جومارت توقاەۆ قازاقستاندىقتاردى ۇلتتىق ۆاليۋتا كۇنىمەن قۇتتىقتادى, دەپ حابارلايدى Egemen.kz.
ول ءوزىنىڭ قۇتتىقتاۋىن Twitter-دە جاريالادى.
«بارشاڭىزدى ۇلتتىق ۆاليۋتا كۇنىمەن جانە قارجىگەرلەردى كاسىبي مەرەكەسىمەن قۇتتىقتايمىن! ءتول تەڭگەمىز – قاستەرلى تاۋەلسىزدىگىمىزدىڭ سيمۆولى. سونىمەن قاتار ەكونوميكالىق دامۋىمىزدىڭ باستى كەپىلى. ەلىمىزدىڭ قارجى جۇيەسىنە حالىقتىڭ ءال-اۋقاتىن ودان ءارى جاقسارتۋ مىندەتى جۇكتەلەدى», دەپ جازدى پرەزيدەنت.