ەرتەڭ مەملەكەت باسشىسى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ التىنشى وتىرىسىنا قاتىسادى, دەپ حابارلايدى Egemen.kz.
بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook پاراقشاسىندا جازدى. «جيىن بارىسىندا پرەزيدەنتتىڭ ۇلتتىق كەڭەس اياسىندا بۇعان دەيىن بەرگەن تاپسىرمالارىنىڭ ورىندالۋ بارىسى, سونداي-اق ۇقسك مۇشەلەرىنىڭ قوعامدىق, الەۋمەتتىك-ەكونوميكالىق جانە وڭىرلىك دامۋ ماسەلەلەرى جونىندەگى ۇسىنىستارى تالقىلانادى دەپ جوسپارلانۋدا. وتىرىس كەڭەستىڭ وڭىرلەردەگى مۇشەلەرىنىڭ قاتىسۋىمەن ونلاين فورماتتا وتەدى», دەپ جازدى بەرىك ءۋالي.
پرەزيدەنتتىڭ ءباسپاسوز قىزمەتى 15:00-دە Facebook الەۋمەتتىك جەلىسىندەگى AkordaPress پاراقشاسى ارقىلى ۇقسك جيىنىنان تىكەلەي كورسەتىلىم ۇيىمداستىرادى.