سەنات سپيكەرى ماۋلەن اشىمباەۆتىڭ توراعالىعىمەن پالاتا بيۋروسىنىڭ وتىرىسى ءوتتى. وندا دەپۋتاتتار 2021 جىلعى 18 قاراشادا وتەتىن سەنات وتىرىسىنىڭ كۇن ءتارتىبىن بەكىتتى, دەپ حابارلايدى Egemen.kz.
الداعى وتىرىستا سەناتورلار «2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن قارايدى.
سونىمەن قاتار «قازاقستان رەسپۋبليكاسىنىڭ ۇلتتىق قورىنان 2022-2024 جىلدارعا ارنالعان كەپىلدەندىرىلگەن ترانسفەرت تۋرالى» زاڭ جوباسى دا سەنات وتىرىسىنىڭ قاراۋىنا شىعارىلدى. بۇل قۇجات ورتاق زەينەتاقىلار مەن مەملەكەتتىك بازالىق زەينەتاقى تولەمدەرىن تولەۋ جونىندەگى مەملەكەتتىك مىندەتتەمەلەردى ورىنداۋعا ىقپال ەتەدى.
بيۋرو وتىرىسىندا الداعى جۇما كۇنى وتەتىن وڭىرلەردەگى ءماسليحاتتار حاتشىلارىمەن وففلاين كەزدەسۋگە دايىندىق بارىسى دا پىسىقتالدى.
ايتا كەتەيىك, بيىلعى ناۋرىز ايىندا ءماسليحات دەپۋتتارىمەن كەزدەسۋ وتكەن بولاتىن. الايدا, ول كەزدە ءىس-شارا ونلاين فورماتتا ۇيىمداستىرىلدى.
سونداي-اق وتىرىستا ماجىلىستەن كەلىپ تۇسكەن زاڭ جوبالارى جۇمىس ءۇشىن سەنات كوميتەتتەرىنە ءبولىنىپ بەرىلدى.