پاۆلودار – ۋسپەنكا تاس جولىندا جول اپاتىنان كولىك قاققا ايرىلىپ, ەكى ادام قايتىس بولدى, تاعى ءۇش ادام جاراقات الدى, دەپ حابارلايدى Egemen.kz.
الەۋمەتتىك جەلىدە تاراعان فوتولارعا قاراعاندا ءبىر كولىك ەكىگە قاق بولىنگەن. ول – ۆاز ماركالى كولىك. رولدە بولعان 70 جاستاعى ەر ادام جولدىڭ قارسى بەتىنە شىعىپ, Volkswagen-مەن بەتپە-بەت سوقتىعىسقان. ۆاز جۇرگىزۋشىسى مەن جولاۋشىسى وقيعا ورنىندا قايتىس بولدى.
ۋسپەنكا اۋداندىق اۋرۋحاناسىنا تاعى ەكى ادام جەتكىزىلدى. 19 جاستاعى قىز باسىنان جاراقات العان. بۇدان بولەك, ميى شايقالىپ, موينى زاقىمدانعان.
«ال 49 جاستاعى ەر ادامنىڭ ەكى جاقتان 5-8 قابىرعاسى سىندى. تراۆماتيكالىق شوك بولدى. كەۋدە تۇسىنان جاراقات العان تاعى 30 جاستاعى ەر ادام اۋرۋحاناعا جەتكىزىلدى», دەيدى دارىگەرلەر.