بۇگىن قوستاناي-رۋدنىي تراسساسىنىڭ بويىندا كولىك اپاتى بولىپ, 6 ادام زارداپ شەكتى, 1 ادام قازا تاپتى, دەپ حابارلايدى Egemen.kz.
كولىك اپاتى ساعات 14:30 شاماسىندا قوستاناي-رۋدنىي تاراسساسىنىڭ 38 شاقىرىمىندا بولعان. وندا 3 كولىك اپاتقا ۇشىرادى.
«وقيعانىڭ ءمان-جايىن جەدەل تەرگەۋ توبى انىقتاپ جاتىر. قازىرگى تاڭدا «Kia Sportage» كولىگىنىڭ 57 جاستاعى جۇرگىزۋشىسى قوستانايدان رۋدنىيعا كەتىپ بارا جاتىپ, وزىمەن قاتارلاس كەلە جاتقان جانە رەسەيلىك ەسەپتە تۇرعان 24 جاستاعى جۇرگىزۋشىنىڭ باسقارۋىنداعى «ۆاز 2170» ماركىلى كولىگىنە سوقتىعىسقان. وسىدان كەيىن «Kia Sportage» جولدىڭ قارسى باعىتىنا شىعىپ كەتىپ, 51 جاستاعى ازامات باسقارىپ كەلە جاتقان «ۆاز 2115» كولىگىنە سوعىلعان», دەپ ءتۇسىندىردى ۆەدومستۆو وكىلدەرى.
اپات سالدارىنان 1 ادام مەرت بولىپ, 6 ادام ءتۇرلى دارەجەدە جاراقات الدى. پوليتسيا وسى وقيعا بويىنشا قر قك-ءنىڭ 345 بابى (كولىك جۇرگىزىپ كەلە جاتقان ادامداردىڭ جول ەرەجەسىن بۇزۋى) نەگىزىندە سوتقا دەيىنى تەرگەۋ باستالعانىن حابارلادى.