ىستانبۇل قالاسىندا حالىقارالىق تۇركى اكادەمياسىنىڭ پرەزيدەنتى دارحان قىدىرالى ازەربايجان سىرتقى ىستەر ءمينيسترى دجەيحۋن بايراموۆپەن كەزدەستى, دەپ حابارلايدى Egemen.kz تۇركى اكادەمياسىنىڭ ءباسپاسوز قىزمەتىنە سىلتەمە جاساپ.
تۇركىتىلدەس مەملەكەتتەر ىنتىماقتاستىعى كەڭەسى سىرتقى ىستەر مينيسترلەرى كەڭەسىنىڭ 8-ءشى وتىرىسى اياسىندا وتكەن كەزدەسۋدە مينيستر دجەيحۋن بايراموۆ تۇركى اكادەمياسىنىڭ قىزمەتىن جوعارى باعالاپ, ونىڭ تۇركى مەملەكەتتەرى اراسىنداعى ءبىلىم, عىلىم جانە مادەنيەت سالاسىنداعى ىنتىماقتاستىقتى دامىتۋداعى ءرولىن اتاپ ءوتتى. تۇركى اكادەمياسىنا قاتىستى كوپجاقتى قۇجاتتارعا قول قويۋ پروتسەسىنىڭ اياقتالۋىنا ريزاشىلىعىن بىلدىرە وتىرىپ, مينيستر بۇدان كەيىن دە ۇيىمنىڭ بەلسەندى جۇمىس ىستەيتىنىنە سەنىم ءبىلدىردى. سونىمەن قاتار ازەربايجان تاراپى اكادەمياعا وسى باعىتتا جان-جاقتى قولداۋ كورسەتۋگە دايىن ەكەنىن جەتكىزدى.
ءوز كەزەگىندە حالىقارالىق تۇركى اكادەمياسىنىڭ پرەزيدەنتى دارحان قىدىرالى قاراباقتاعى جەڭىستىڭ ءبىر جىلدىعىمەن قۇتتىقتاپ, بۇل جەڭىس كۇللى تۇركى الەمىنىڭ ورتاق جەڭىسى ەكەنىن ايتتى. سونداي-اق ول ۇيىمنىڭ قىزمەتىنە جوعارى دەڭگەيدە قولداۋ كورسەتكەنى ءۇشىن العىس ايتىپ, جۇزەگە اسىرىلىپ جاتقان جانە جوسپارلانعان جوبالار تۋرالى حاباردار ەتتى.
كەزدەسۋ سوڭىندا, دارحان قىدىرالى ازەربايجان سىرتقى ىستەر مينيسترىنە تۇركى اكادەمياسى باسىپ شىعارعان ح عاسىردا قاراحان مەملەكەتى تۇسىندا كونە تۇرىك تىلىنە اۋدارىلعان العاشقى قۇران كىتابىن سىيعا تارتتى.
تاراپتار باسقا دا ماسەلەلەر بويىنشا پىكىر الماستى.