سيريانىڭ يندۋستريا ءمينيسترى زياد سابباگ سوعىس جىلدارىندا سيريا ونەركاسىپ سالاسىنا كەلتىرىلگەن زالال 23,5 ميلليارد دوللاردان اسقانىن ايتتى, دەپ حابارلايدى Egemen.kz.
«سوعىس باستالعاننان بەرى سيريانىڭ مەملەكەتتىك جانە جەكە سەكتورىنا كەلتىرىلگەن زالال 23,5 ميلليارد دوللاردان استى», دەپ مالىمدەدى ول. بۇل تەك 2019 جىلدىڭ قورىتىندىسى تۋرالى مالىمەت ەكەن.
ءمينيستردىڭ ايتۋىنشا, كوبىنەسە مۇناي سالاسىنىڭ ونەركاسىپتىك نىساندارى بۇزىلعان.
«سونىمەن قاتار ستراتەگيالىق ماڭىزى بار جانە ازاماتتاردىڭ ومىرىنە تىكەلەي اسەر ەتەتىن تاماق ونىمدەرى مەن ءدارى-دارمەكتەردى وندىرۋگە باعىتتالعان ونەركاسىپتىك نىسانداردىڭ دا تالايى قيرادى», دەپ جالعادى ول ءوز ءسوزىن.
سابباگ توقىما ونەركاسىبىنە, ەڭ الدىمەن الەپپو پروۆينتسياسىنا ايتارلىقتاي زالال كەلتىرىلگەنىن, وندا جەكە جانە مەملەكەتتىك زاۋىتتار تولىعىمەن جويىلىپ, تەرروريستەر توناعانىن اتاپ ءوتتى.
ەستەرىڭىزگە سالا كەتەيىك, سيرياداعى قارۋلى قاقتىعىس 2011 جىلدان بەرى جالعاسىپ كەلەدى.