سينوپتيكتەر 13-15 قاراشاعا ارنالعان اۋا رايى بولجامىن ۇسىندى, دەپ حابارلايدى Egemen.kz.
13-15 قاراشادا قازاقستانداعى اۋا رايىن سولتۇستىك-باتىس تسيكلوننىڭ تەرەڭ جىراسى جانە ونىمەن بايلانىستى فرونتالدى بولىمدەر ايقىندايتىن بولادى.
باتىستان شىعىسقا قاراي جىلجي وتىرىپ, ەلدىڭ بارلىق وڭىرلەرىن جىرا قامتيدى, وسىعان بايلانىستى جاڭبىر مەن قار تۇرىندە جاۋىن-شاشىن, كوكتايعاق, سولتۇستىك جارتىسىندا بۇرقاسىن بولىپ, ەكپىندى جەل كۇتىلەدى.
«باتىستا اۋا تەمپەراتۋراسى تۇندە 5 اياز–3 جىلۋ, كۇندىز 3 اياز–10 جىلۋ, سولتۇستىكتە, سولتۇستىك-باتىستا جانە شىعىس پەن ورتالىقتا تۇندە 1-10 اياز, كۇندىز 5 اياز–7 جىلۋ, ەلىمىزدىڭ وڭتۇستىگىندە, وڭتۇستىك-شىعىسىندا تۇندە 1-10 اياز, كۇندىز 2-10 جىلۋ بولجانادى», دەپ جازادى «قازگيدرومەت» رمك.