● ەلىمىزدە دەموگرافيالىق زەرتتەۋلەر ورتالىعى قۇرىلادى. ول بويىنشا اتقارىلاتىن جۇمىستار پىسىقتالۋ ۇستىندە.
● رەسپۋبليكانىڭ اۆتوجولدارىندا وتكەن تاۋلىكتە 583 ادام قار قۇرساۋىنان شىعارىلدى. ونىڭ ىشىندە 34 ءجاسوسپىرىم بار.
● استانادا كەلەر جىلى ەكسپو-2017 الاڭىن جىلۋمەن قامتاماسىز ەتەتىن ماگيسترال سالىنادى. باس شاھاردىڭ سولتۇستىك-باتىسى مەن وڭتۇستىك-باتىسى ارالىعىنا سالىناتىن بۇل قۇبىردىڭ ۇزىندىعى 21,5 شاقىرىم قۇرايدى.
● قازىرگى كەزدە ەلىمىزدە 3 351 نوتاريۋس قىزمەت جاسايدى. ال ادۆوكاتتاردىڭ سانى 4,5 مىڭعا جۋىقتاعان.
● «تالدىقورعان – الماتى» تاسجولىنىڭ قۇرىلىسى كەلەر جىلى اياقتالادى. 130 ملرد. تەڭگە ءبولىنگەن جۇمىستىڭ اياسىندا قاپشاعاي وڭىرىنە دەيىن التى جولاقتى جول سالۋ كوزدەلگەن.
● بيىل اقمولا وبلىسىندا ۇدەمەلى يندۋستريالىق-يننوۆاتسيالىق باعدارلاما اياسىندا 11 نىسان ىسكە قوسىلادى. سونىڭ ىشىندە كۇكىرت قىشقىلى زاۋىتى دا بار.
● شىمكەنت قالاسىندا وتكەن جىلى 3 ملرد. تەڭگە ءبولىنىپ, 13 شاعىن اۋدانعا گاز قۇبىرى تارتىلعان. وسى جۇمىستى الداعى مەرزىمدە دە ىسكە اسىرۋ جوسپارلانۋدا.
● پاۆلودار وبلىسىنداعى مۇناي-حيميا زاۋىتىنا ەنەرگيا مەنەدجمەنتى جۇيەسىندەگى ءسايكەستىك سەرتيفيكاتى بەرىلدى. زاۋىتتىڭ ءىشكى قۇرىلىمى وتكەن جىلى تالاپقا ساي جاڭارتىلعان بولاتىن.
● ورال قالاسىنداعى نازارباەۆ زياتكەرلىك مەكتەبىندە العاشقى الەمدىك روبوت تەحنيكالارىنىڭ وليمپياداسى وتكىزىلدى. وعان ەلىمىزدىڭ 15 قالاسىنان وقۋشىلار قاتىستى.
● اقتاۋ قالاسىندا باعانى تۇراقتاندىرۋ ءۇشىن جەرگىلىكتى ساۋدا كاسىپورىندارىنىڭ جارمەڭكەسى وتكىزىلۋدە. بۇل يگىلىكتى باستاما اپتا سايىن جالعاسىن تاۋىپ وتىر.
● قاراعاندى وبلىسىندا «بولاشاقتىڭ ەرگونوميكاسى» دەپ اتالاتىن حالىقارالىق بايقاۋ جاريالاندى. ول بالامالى ەنەرگيا كوزىن دامىتۋعا باعىتتالعان.
Egemen.kz حابارلارى مەن وبلىستىق اكىمدىكتەر سايتتارىنىڭ ماتەريالدارى بويىنشا دايىندالدى.