مىسىردىڭ باس پروكۋراتۋراسى ەكس-پرەزيدەنت مۋحاممەد مۋرسي مەن «مۇسىلمان باۋىرلار» قوزعالىسىنىڭ جەتەكشىلەرىنە ەلدىڭ قورعانىس قابىلەتى جونىندەگى قۇپيا مالىمەتتەرمەن يران ەلىن قامتاماسىز ەتتى دەگەن ايىپ تاقتى. بۇل تۋرالى يتار-تاسس حابارلادى. جەكسەنبى كۇنى كايردە تىڭشىلىق ارەكەتى بويىنشا سوت پروتسەسى قايتا باستالدى. مۋحاممەد مۋرسي مەن يسلاميستىك ۇيىمنىڭ 35 جەتەكشىسى بۇل ىستە باستى ايىپكەرلەر رەتىندە قاراستىرىلىپ وتىر. باس پروكۋراتۋرا دايىنداعان قۇجاتتاردا مىسىردا سوڭعى بىرنەشە جىل ىشىندە ورىن العان تەراكتىلەرگە «مۇسىلمان باۋىرلار» قوزعالىسىنىڭ قاتىسى بار ەكەنى ايتىلادى. سونداي-اق قوزعالىس جەتەكشىلەرىنە پالەستينالىق حاماس پەن ليۆان شيتتەرىنىڭ «حەزبوللاح» توپتارىمەن جانە يرانداعى «يسلام رەۆوليۋتسياسىنىڭ ساقشىلارى» كورپۋسىمەن بىرلەسۋدى كوزدەگەن «تەرروريستىك جوسپار» جاسادى دەگەن ايىپ تاعىلۋدا. ايدار ورىسباەۆ. دەرەككوز: Itar-tass.com. فوتو: Itar-tass.com.