قاراعاندى وبلىسىنىڭ تجد ءباسپاسوز قىزمەتى 60 جاستاعى ناۋقاس قازا تاپقان جەزقازعاننىڭ ورتالىق اۋرۋحاناسىنداعى ءورتتىڭ سەبەبىن اتادى. ساراپتاما قورىتىندىسى بويىنشا, وت جىلىتقىشتى دۇرىس پايدالانباعاندىقتان تۇتانعان, دەپ حابارلايدى Egemen.kz.
ء«ورتتىڭ سەبەبى - توسەك-ورىن جابدىقتارىنىڭ, ءۇي زاتتارىنىڭ, كەرەۋەتتىڭ جانە باسقا م ۇلىكتىڭ تۇرمىستىق ەلەكتر جىلىتقىشتىڭ جىلۋ اسەرىنەن, ونىمەن تىكەلەي بايلانىستا بولعان كەزدە نەمەسە ول جەتكىلىكسىز قاشىقتىقتا ورنالاسقان كەزدە تۇتانۋى», دەپ حابارلادى قاراعاندى وبلىسى تجد ءباسپاسوز قىزمەتى.
ەستەرىڭىزگە سالا كەتەيىك, 3 قاراشادا جەزقازعان ورتالىق اۋرۋحاناسىنداعى پالاتالاردىڭ ءبىرىن وت شارپىدى. ءورت ءتورتىنشى قاباتتا پايدا بولدى.
وقيعا ورنىنان 1961 جىلى تۋعان ناۋقاستىڭ دەنەسى تابىلدى.