ەلوردادا جول اپاتىنا ۇشىراعان كولىك اۋدارىلىپ قالعان, دەپ حابارلايدى Egemen.kz قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
بۇگىن ساعات 12:07-دە Kia Picanto ماركالى كولىكتىڭ 46 جاستاعى جۇرگىزۋشىسى اقبيداي كوشەسىمەن ءوندىرىس كوشەسىنە قاراي كەلە جاتىپ, سول جاققا بۇرىلار كەزدە قاراما-قارسى باعىتتا كەلە جاتقان «ۆاز-2115» كولىگىمەن سوقتىعىستى. قاتتى سوققى سالدارىنان Kia Picanto اۋدارىلىپ قالعان. جول اپاتى سالدارىنان جاراقات العان Kia Picanto جۇرگىزۋشىسى اۋرۋحاناعا جەتكىزىلدى.
اتالعان فاكتى بويىنشا تەرگەۋ امالدارى جۇرگىزىلىپ جاتىر.