نۇر-سۇلتان قالاسىنىڭ مەملەكەتتىك باس سانيتار دارىگەرىنىڭ جاڭا قاۋلىسى شىققان سوڭ «Ashyq» جۇيەسىندە «كوك» مارتەبەگە يە ادامداردىڭ ويىن-ساۋىق ورتالىعىنا كىرۋىنە تىيىم سالىنادى. بۇل تۋرالى قالا اكىمدىگىندە ايتىلدى, دەپ حابارلايدى Egemen.kz.
«قازىر نۇر-سۇلتان قالاسىنىڭ مەملەكەتتىك باس سانيتار دارىگەرىنىڭ قاۋلىسىن كۇتىپ وتىرمىز. قاۋلى كۇشىنە ەنگەن سوڭ ەلوردادا «Ashyq» جۇيەسىندە «كوك» مارتەبەگە يە ادامدار ويىن-ساۋىق ورتالىقتارىنا كىرۋىنە تىيىم سالىنادى. ياعني جۇمىس جانە دەمالىس كۇندەرى سوو-عا تەك قانا «جاسىل» مارتەبەسى بار تۇرعىندار كىرە الادى», دەدى ەلوردا اكىمدىگى ءباسپاسوز قىزمەتىنىڭ جەتەكشىسى اقمارال ولجاباەۆا.
ونىڭ ايتۋىنشا, باس مەملەكەتتىك سانيتار دارىگەردىڭ جاڭا قاۋلىسى شىعام دەگەنشە «كوك» مارتەبەگە يە ادامدار ويىن-ساۋىق ورتالىقتارىنا كىرە الادى.
تاعى ءبىر ەسكەرەتىن جايت, اتالعان شەكتەۋ تەك قانا ويىن-ساۋىق ورتالىقتارىنا قاتىستى, ياعني ساۋدا ءۇيى, ساۋدا ورتالىعى جانە بازارلاردىڭ قىزمەتىنە قاتىسى جوق.