مەملەكەت باسشىسىنا سوت جۇيەسىن جاڭعىرتۋ جۇمىستارى جونىندە مالىمەت بەرىلدى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
جوعارعى سوت توراعاسى مەملەكەت باسشىسىنا اكىمشىلىك راسىمدىك-پروتسەستىك كودەكس كۇشىنە ەنگەننەن كەيىنگى 4 اي ىشىندەگى ناتيجەلەر تۋرالى باياندادى. ونىڭ ايتۋىنشا, جاڭا كودەكستىڭ ەنگىزىلۋى شەنەۋنىكتەردىڭ ءتارتىبىن كۇشەيتۋگە باعىتتالعان.
قابىلداۋ بارىسىندا, جاقىپ اسانوۆ پرەزيدەنتكە داۋ-جانجالداردى شەشۋدىڭ بالامالى تاسىلدەرىن ەنگىزۋ, سىبايلاس جەمقورلىققا قارسى جاڭا جوبالاردى ىلگەرىلەتۋ, بىركەلكى سوت تاجىريبەسىن جانە قىلمىستىق پروتسەستە تاراپتاردىڭ شىنايى جارىسىن قامتاماسىز ەتۋ جونىندە ەگجەي-تەگجەيلى ايتتىپ بەردى.
قاسىم-جومارت توقاەۆ جۇرگىزىلىپ جاتقان رەفورمالاردىڭ زاڭ ۇستەمدىگىن تولىق قامتاماسىز ەتۋى, ازاماتتاردىڭ قۇقىقتارىنىڭ قورعالۋ دەڭگەيىنىڭ ارتۋىنا سەپتىگىن تيگىزۋى جانە بيلىكتىڭ سوت تارماعىنا دەگەن قوعامنىڭ سەنىمىن كۇشەيتۋى قاجەت ەكەنىن اتاپ ءوتتى.