قر ءىىم اكىمشىلىك پوليتسيا كوميتەتى توراعاسىنىڭ ورىنباسارى سەرىك ءتۇسىپوۆ ەلىمىزدە جۇرگەن رەسەيلىك كولىكتەردى تىركەۋ ەرەجەسىن ءتۇسىندىردى, دەپ حابارلايدى Egemen.kz.
«رەسەيلىك ءاۆتوموبيلدى تىركەۋ ءۇشىن الدىمەن حالىققا قىزمەت كورسەتۋ ورتالىعىنا كولىكتى تىركەۋ ەرەجەسىنە ساي قۇجاتتاردى ازىرلەپ تاپسىرۋى كەرەك. ەرەجە بارلىق كولىككە ورتاق, ياعني قازاقستاندىق كولىك بولسىن, رەسەيلىك بولسىن - تىركەۋ ەرەجەسى بارىنە بىردەي. ال رەسەيدەن كولىك اكەلۋشىلەردىڭ دەنى تىركەۋ ەرەجەسىن ساقتاماي وتىر. ونداي جاعدايدا كولىكتى جۇرگىزۋگە تىيىم سالىنىپ, اۆتوموبيل ايىپپۇل تۇراعىنا قويىلادى», دەدى قر ءىىم اكىمشىلىك پوليتسيا كوميتەتى توراعاسىنىڭ ورىنباسارى سەرىك ءتۇسىپوۆ مينيسترلىكتە وتكەن ءباسپاسوز ءماسليحاتىندا.
ونىڭ ايتۋىنشا, ەلىمىزدە كولىكتى تىركەۋ پروتسەسى بار-جوعى 2 ساعات ۋاقىت الادى. جانە ەشقانداي قاعازباستىلىق جوق.