اقپارات جانە قوعامدىق دامۋ ءمينيسترى ايدا بالاەۆا اقش-تىڭ قر-داعى ۋاقىتشا سەنىمدى وكىلى دجۋدي كۋومەن كەزدەستى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
«30 جىل بويى قازاقستان مەن اقش اراسىنداعى دوستىق قارىم-قاتىناستار ۇدايى ءوسۋ جانە نىعايۋ جولىندا دامىپ كەلەدى», دەدى ا.بالاەۆا.
كۇن تارتىبىندە مەدياسفەرانى جاڭعىرتۋ بويىنشا قابىلدانىپ جاتقان شارالار, سونداي-اق تەرروريستىك بەلسەندى ايماقتاردان ورالعان ازاماتتارىمىزدى وڭالتۋ ماسەلەلەرى بولدى.
كەزدەسۋگە قر اقدم اقپارات, ءدىن ىستەرى كوميتەتتەرىنىڭ وكىلدەرى, سونداي-اق اقش ەلشىلىگىنىڭ ساياسي ماسەلەلەر, باق ماسەلەلەرى بويىنشا جاۋاپتى قىزمەتكەرلەرى قاتىستى.
سونىمەن قاتار, ا.بالاەۆا QazForum قازاق تىلىندەگى كونتەنتتى جاساۋشىلاردىڭ V فورۋمىن ىسكە اسىرعانى ءۇشىن دجۋدي كۋوعا العىسىن ءبىلدىردى.
ەستەرىڭىزگە سالا كەتەيىك, قازاقستان مەن اقش اراسىنداعى ديپلوماتيالىق قاتىناستاردىڭ ورناعانىنا 30 جىل تولۋ قارساڭىندا QazForum وسى جىلدىڭ 5 قاراشاسىندا نۇر-سۇلتاندا وتكەن بولاتىن.