«ۋزكومنازورات» باسشىسى گوليبشەر زياەۆ وزبەكستان پرەزيدەنتى شاۆكات ميرزيەەۆتىڭ تاپسىرماسى بويىنشا, رەسپۋبليكاداعى الەۋمەتتىك جەلىلەر مەن مەسسەندجەرلەر بۇعاتتالعاننان بىرنەشە ساعات وتكەن سوڭ, «قاتە جانە كەلىسىلمەگەن ارەكەتى ءۇشىن» قىزمەتىنەن بوساتىلدى. مەملەكەت باسشىسىنىڭ ءباسپاسوز حاتشىسى وقيعا بويىنشا تەرگەۋ امالدارى جۇرگىزىلەتىنىن مالىمدەدى, دەپ حابارلايدى Egemen.kz.
ميرزيەەۆ ەلدەگى الەۋمەتتىك جەلىلەردىڭ جۇمىسىن شەكتەۋ تۋرالى شەشىمدى «بىرجاقتى جانە ويلاستىرىلماعان» دەپ اتادى.
«جاقىن ارادا بارلىق الەۋمەتتىك جەلىگە قولجەتىمدىلىك قالپىنا كەلتىرىلەدى دەپ ويلايمىن», دەدى ميرزيەەۆتىڭ ءباسپاسوز حاتشىسى شەرزود اسادوۆ.
باسىلىم مالىمەتىنشە, اقپاراتتاندىرۋ جانە تەلەكوممۋنيكاتسيالار سالاسىنداعى باقىلاۋ جونىندەگى مەملەكەتتىك ينسپەكتسيا («ۋزكومنازورات») تىزىلىمىندە Telegram, Facebook, ودنوكلاسسنيكي, YouTube جانە باسقا سايتتارعا كىرۋدى شەكتەۋ تۋرالى بەلگىلەر جويىلعان.