وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ازامات مامبەتوۆتىڭ مالىمەتىنشە, بيىل ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ باعىتتارىنا 24 032 ادامدى قامتۋ كوزدەلگەن. قازىر اتالعان باعدارلاماعا 24 348 ادام تارتىلدى.
– باعدارلامانىڭ ءبىرىنشى باعىتىمەن 250 ادامدى كاسىپتىك-تەحنيكالىق دايارلاۋ, ال 1 510 جۇمىسسىزدى قىسقا مەرزىمدى كۋرستاردا وقىتۋ جوسپارلانعان ەدى. ءساۋىر ايىندا باستالعان قىسقامەرزىمدى وقىتۋ كۋرسىنا 1 378 ادام جىبەرىلدى. وقىتۋ كۋرسىن 911 ادام اياقتادى. ەكىنشى باعىتقا سايكەس «باستاۋ بيزنەس» جوباسىمەن 1 مىڭ ادامدى وقىتۋ, 154 ادامعا نەسيە جانە 530 ادامعا مەملەكەتتىك گرانت بەرۋ كەستەسى جاساقتالدى. وسى كەزگە دەيىن ونلاين رەجىمىندە 1 015 ادام «باستاۋ بيزنەس» جوباسىمەن كاسىپكەرلىك نەگىزدەرىنە وقىتىلىپ, 223 ادام نەسيە مەن 531 ادام قايتارىمسىز گرانت الدى, – دەيدى ازامات مامبەتوۆ.
اتالعان باعدارلامانىڭ ءۇشىنشى باعىتىمەن 20 581 ادامدى قامتۋ جوسپارلانىپتى. ونىڭ ىشىندە 332 ادامدى الەۋمەتتىك جۇمىستارعا, 798 جاستى جاستار تاجىريبەسىنە, 5 313 ادامدى قوعامدىق جۇمىستارعا, 46 ادامدى العاشقى جۇمىس ورىندارىنا, 14 092 ادامدى بوس جۇمىس ورىندارىنا ورنالاستىرۋ تىزبەسى بەكىتىلگەن. جىل باسىنان بەرى جۇمىسپەن قامتۋ ورتالىقتارىنا 22 576 ادام جۇگىندى. قازىرگە دەيىن 20 864 ادام جۇمىسپەن قامتىلدى. تۇراقتى جۇمىس ورىندارىنا 13 733 ادام, ۋاقىتشا جۇمىسقا 7 131 ادام جىبەرىلدى.