الماتى وبلىسىندا ەكى كولىك سوقتىعىسىپ, بەس ادام قازا تاپتى. جانتۇرشىگەرلىك جول اپاتى شونجى اۋىلىنىڭ ماڭىندا بولدى, دەپ حابارلايدى Egemen.kz.
جول اپاتى ۇيعىر اۋدانىنداعى شونجى – اقسۋ – ۇزىنتام تاس جولىنىڭ 3-ءشى شاقىرىمىندا سارسەنبى كۇنى كۇندىز بولعان.
«Audi جانە Nissan كولىكتەرى بەتپە-بەت سوقتىعىسىپ, وتقا وراندى. ەكى كولىكتىڭ جۇرگىزۋشىسى, Nissan كولىگىنىڭ ءبىر جولاۋشىسى وقيعا ورنىندا جان تاپسىردى. تاعى ۇشەۋى شونجى اۋىلىنداعى اۋرۋحاناعا جاتقىزىلدى, كەيىنىرەك ولاردىڭ ەكەۋى كوز جۇمدى. 5 جاسار قىز جان ساقتاۋ بولىمىندە جاتىر», دەپ حابارلادى الماتى وبلىسى پوليتسيا دەپارتامەنتىنىڭ ءباسپاسوز قىزمەتى.
قىلمىستىق كودەكستىڭ 345-بابىنىڭ ءتورتىنشى بولىگى (ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋ) بويىنشا سوتقا دەيىنگى تەرگەۋ باستالدى, قاجەتتى ساراپتامالار تاعايىندالدى.