مەملەكەتتىك كىرىستەر كوميتەتى (مكك) م ۇلىك سالىعىن تولەمەگەن قازاقستاندىقتارعا ەسكەرتۋ جاسادى, دەپ جازادى Egemen.kz.
مەملەكەتتىك كىرىستەر كوميتەتى م ۇلىك سالىعىن تولەمەگەن ازاماتتارعا سالىق بەرەشەگى تۋرالى حابارلاما جولداعان.
سونداي-اق, مەملەكەتتىك كىرىستەر كوميتەتى 2021 جىلدىڭ 1 قازانىندا جەكە تۇلعالاردىڭ 2020 جىلعا ارنالعان م ۇلىك سالىعىن تولەۋ مەرزىمى اياقتالعانىن ەسكە سالدى.
«بۇگىندە 1 ميلليوننان اسا ازاماتتىڭ 3,4 ميلليارد تەڭگەدەن اسا م ۇلىك سالىعى بويىنشا بەرەشەگى بار. انتيرەيتينگتى نۇر-سۇلتان (604 ميلليون تەڭگە), الماتى (853 ميلليون تەڭگە) جانە شىمكەنت (783 ميلليون تەڭگە) تۇرعىندارى باستاپ تۇر. وسىعان بايلانىستى, 2021 جىلدىڭ 1 قازانىنا دەيىن سالىق مىندەتتەمەلەرىن ورىنداماعان ازاماتتارعا سالىق بەرەشەگى تۋرالى حابارلاما جىبەرىلدى», دەدى ۆەدومستۆو وكىلدەرى.
حابارلاما ورىندالماعان جانە بەرەشەگى 2021 جىلعى 15 قاراشادان كەيىن تولەنبەگەن جاعدايدا, مەملەكەتتىك كىرىستەر ورگاندارى بەرەشەكتى ودان ءارى ماجبۇرلەپ ءوندىرۋ ءۇشىن جەكە سوت ورىنداۋشىلارىنا جىبەرە وتىرىپ, ءوندىرىپ الۋ تۋرالى ۇيعارىمداردى قاراستىرادى.
«بانك شوتتارىنا تىيىم سالۋ, جەكە سوت ورىنداۋشىلارىنىڭ م ۇلىككە شەكتەۋ قويۋى جانە ەلدەن كەتۋگە جول بەرمەۋ. قارىز بار-جوعىن e-Salyq Azamat جانە ەكىنشى دەڭگەيلى بانكتەردىڭ ءموبيلدى قوسىمشاسى, «ەلەكتروندىق ۇكىمەت» پورتالى ارقىلى مكك بايلانىس ورتالىعىنىڭ بىرىڭعاي ءنومىرى – 1414 ارقىلى بىلۋگە بولادى», دەپ تۇيىندەدى ۆەدومستۆو وكىلدەرى.