كەشكى سەسسيانى 51 كەلى سالماق دارەجەسىندەگى سايىپقىرانىمىز, توكيو وليمپياداسىنىڭ قولا جۇلدەگەرى ساكەن بيبوسىنوۆ باستادى, دەپ حابارلايدى Egemen.kz.
ءيا, كەشكى سەسسيادا قازاق بوكسشىلارىنان العاش بولىپ رينگكە كوتەرىلگەن ساكەن بيبوسىنوۆ كولۋمبيالىق يۋبەرحەن مارتينەسپەن قولعاپ ءتۇيىستىردى. شارشى الاڭدا ەركىن ويقاستاعان وتانداسىمىز ءوزىنىڭ شىن شەبەر ەكەنىن كورسەتىپ, ەكىنشى نومىرمەن جۇدىرىقتاسىپ ءجۇرىپ-اق جەڭىسكە جەتتى. ونىڭ جەڭىمپاز اتانۋىنا تورەشىنىڭ ءبىر ۇپايىن الىپ تاستاۋى دا كەدەرگى كەلتىرگەن جوق. وسىلايشا ۇلتتىق قۇراما بەلگراد تورىندەگى ءتورتىنشى مەدالىنە قول جەتكىزدى. ءالى ءتورت بوكسشىمىز رينگكە كوتەرىلەدى.