بوكستان سەربيا استاناسى بەلگراد قالاسىندا ءوتىپ جاتقان الەم چەمپيوناتىندا ءۇشىنشى قازاق بوكسشىسى جەڭىلىستىڭ كەرمەك ءدامىن تاتتى, دەپ حابارلايدى Egemen.kz.
92 كيلو سالماق دارەجەسىندە سىنعا تۇسكەن وتانداسىمىز ايبەك ورالباي 1\8 فينالدىق كەزەڭدە وزبەكستان نامىسىن قورعاعان ەتنيكالىق قازاق ماديار سايدراحيموۆكە قارسى شارشى الاڭعا كوتەرىلدى. ەكى ەلدىڭ اتىنان دوداعا قاتىسقان قازاق جىگىتتەرى اراسىنداعى جەكپە-جەك تارتىستى ءارى تەڭ جاعدايدا ءوربىدى. ءبىرىنشى ءۇش مينۋتتىقتا ايبەك مادياردى نوكداۋنعا جىبەرسە, كەلەسى راۋندتا ماديار ەسەسىن قايتاردى. ءۇشىنشى راۋندتا وزبەكستاندىق بوكسشى باسىمدىق تانىتىپ, شيرەك فينالعا جولداما الدى.
ايبەك ورالباي – الەم چەمپيوناتىمەن قوشتاسقان ءۇشىنشى قازاق بوكسشىسى. وعان دەيىن اسا اۋىر سالماقتاعى نۇرلان ساپارباي مەن 86 كيلو سالماقتاعى بەك نۇرماعانبەت ەلگە قايتقان بولاتىن.