اتىراۋ وبلىسى, قىزىلقوعا اۋدانىنىڭ ساعىز اۋىلدىق وكرۋگىندە 30 قازاندا بولعان اتىستان كەيىن پوليتسيا اۋىلدا كۇشەيتىلگەن ءپاترۋلدى جۇمىلدىرعان, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ حابارلاۋىنشا, اتىس تۋرالى اقپارات تۇسكەننەن كەيىن پوليتسيا قىزمەتكەرلەرى وقيعا ورنىنا قوعامدىق ءتارتىپتى تۇراقتاندىرۋ جانە تۇرعىنداردىڭ قاۋىپسىزدىگىن قامتاماسىز ەتۋ ءۇشىن كەلگەن. قازىرگى ۋاقىتتا جاعداي تۇراقتى, جاپپاي تولقۋلار بايقالمايدى. جاعداي اتىراۋ وبلىسى پوليتسيا دەپارتامەنتىنىڭ باستىعى قامزا ۇمبەتقاليەۆتىڭ جەكە باقىلاۋىندا. مۇنداعى اتىستان بەس ادام زارداپ شەگىپ, بىرەۋى قايتىس بولعان ەدى. اتىس نەدەن شىققانى تۋرالى ءىس تەرگەلۋدە.
«اۋىلداعى جاعداي تۇراقتى بولعانىنا قاراماستان, ءتارتىپ ساقشىلارى كۇشەيتىلگەن رەجيمدە جۇمىسىن جالعاستىرۋدا. تاۋلىك بويى اۋىل اۋماعىندا پاترۋلدەۋ جۇرگىزىلەدى. وقيعا ورنىنا اتىراۋ وبلىسى پوليتسيا دەپارتامەنتىنىڭ جەدەل-تەرگەۋ توبى جۇمىلدىرىلدى», دەدى وبلىستىڭ باس پوليتسەيى
اتالعان فاكتى بويىنشا قر قىلمىستىق كودەكسىنىڭ 99-بابىنىڭ 2-بولىگى (ادام ءولتىرۋ) بويىنشا تەرگەۋ جۇرگىزىلۋدە.