الەۋمەتتىك ماڭىزى بار ازىق-ت ۇلىك باعاسىن باقىلاۋدى تاپسىردى

ساۋدا جانە ينتەگراتسيا ءمينيسترى باقىت سۇلتانوۆ, اۋىل شارۋاشىلىعى ءمينيسترى ەربول قاراشوكەەۆ, ۇلتتىق بانك توراعاسىنىڭ ورىنباسارى اقىلجان بايماعامبەتوۆ, باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين, سولتۇستىك قازاقستان وبلىسىنىڭ اكىمى قۇمار اقساقالوۆ, الماتى وبلىسىنىڭ اكىمى اماندىق باتالوۆ, اقتوبە وبلىسىنىڭ اكىمى وڭداسىن ورازالين جانە ت. ب. قازىرگى جاعداي مەن اتقارىلىپ جاتقان جۇمىستار تۋرالى باياندادى.

وتكەن اپتادا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ءوسۋى 0,1% قۇرادى. بۇعان جۇمىرتقا باعاسىنىڭ 0,7%-عا جانە قىرىققابات باعاسىنىڭ 0,8%-عا قىمباتتاۋى اسەر ەتتى.

سونىمەن قاتار پياز (-0,9%), قاراقۇمىق جارماسى (-0,6%), سيىر ەتى مەن روجكي (0,1%) باعاسىنىڭ تومەندەۋى بايقالادى. سۇزبە, ءسابىز, كۇنباعىس مايى, كۇرىش جانە قانت باعاسى وزگەرگەن جوق.

جالپى, بيىل قازان ايىندا ءامات باعاسىنىڭ ديناميكاسى 2016-2020 جىلدارداعى وسىنداي كەزەڭدەگى ورتاشا ماندەرمەن (1%) سالىستىرعاندا نەعۇرلىم باياۋ قارقىن (0,7%) كورسەتتى.

وڭىرلەردە «اينالىم جۇيەسىن» قارجىلاندىرۋ 46,1 ملرد. تەڭگەگە جەتتى. نىسانالى دەڭگەي 92,2%-عا قامتاماسىز ەتىلدى. 373 مىڭ توننا الەۋمەتتىك ماڭىزى بار تاۋار ساتىپ الىندى, بۇل وتكەن اپتاداعى كورسەتكىشپەن سالىستىرعاندا 22%-عا ارتىق.

ءۇش ايلىق كەزەڭدە ءامات-پەن قامتاماسىز ەتىلۋ ەل بويىنشا 115,7% (اپتاسىنا +23 پ.ت.) قۇرايدى. ءبىر اپتا ىشىندە قورلاردىڭ ايتارلىقتاي ءوسۋى پاۆلودار, ماڭعىستاۋ, تۇركىستان وبلىستارىندا تىركەلدى.

فورۆاردتىق ساتىپ الۋ شەڭبەرىندە 2021 جىلى 769,3 مىڭ توننا ونىمگە, ونىڭ ىشىندە 684 مىڭ توننا جۇمساق بيدايعا كەلىسىمشارت جاسالدى. قازىرگى ۋاقىتتا «ازىق-ت ۇلىك كەلىسىم شارت كورپوراتسياسى» ۇك» اق-عا 442,8 مىڭ توننا نەمەسە كەلىسىمشارت جاسالعان كولەمنىڭ 57,5%-ى جەتكىزىلدى. 427,6 مىڭ توننا بيداي نەمەسە ساتىپ الىناتىن كولەمنەن 62,5%-ى جەتكىزىلدى.

وتكەن اپتادا باسەكەلەستىكتى قورعاۋ جانە دامىتۋ اگەنتتىگى تۇركىستان وبلىسىندا تاۋىق جۇمىرتقاسىن وتكىزۋشىگە قاتىستى تەرگەۋ جۇرگىزدى. ءامات-قا ساۋدا ۇستەمەسىن تومەندەتۋ تۋرالى وڭىرلىك ساۋدا جەلىلەرىمەن جانە كۇنباعىس مايىن ءىرى كوتەرمە جەتكىزۋشىمەن مونوپولياعا قارسى كومپلاەنستىڭ 10 اكتىسى جاسالدى. جالپى, رەسپۋبليكا بويىنشا مونوپولياعا قارسى كومپلاەنستىڭ 135 اكتىسى جاسالدى.

باعانىڭ ءوسۋى بايقالعان ايماقتاردا تاۋار نارىقتارىن ساراپتاۋ اياقتالىپ, تاۋىق ەتى مەن تاۋىق جۇمىرتقاسىن وندىرۋشىلەرگە قاتىستى تەرگەۋ باستالادى.

پرەمەر-مينيستر وڭىرلەردىڭ اكىمدەرىنە «اينالىم جۇيەسىن» قارجىلاندىرۋدى ۇلعايتۋ, ونىمدەر بويىنشا ءۇش ايلىق قورلاردى ۇسىنىلعان كولەمدەرگە دەيىن جەتكىزۋ, فورۆاردتىق ساتىپ الۋ شەڭبەرىندە «ازىق-ت ۇلىك كورپوراتسياسى» ۇك» اق-عا استىق جەتكىزۋ قارقىنىن ارتتىرۋ جۇمىستارىن كۇشەيتۋدى, سونداي-اق ساۋدا سۋبەكتىلەرىنىڭ ساۋدا ۇستەمەلەرىن اسىرىپ جىبەرۋ فاكتىلەرىنە جەدەل دەن قويۋدى تاپسىردى.

ۇكىمەت باسشىسى الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن ۇستاپ تۇرۋ جانە جالپى ينفلياتسياعا قارسى دەن قويۋ شارالارىنىڭ كەشەنىن ءتيىمدى ىسكە اسىرۋ بويىنشا جۇيەلى جۇمىس جۇرگىزۋدىڭ ماڭىزدىلىعىن اتاپ ءوتتى.