ىبىراي وقۋلارى

تىلدەردى دامىتۋ باسقارماسىنىڭ باس مامانى باقىتگۇل سۇلەيمەنوۆانىڭ ايتۋىنشا, اتالعان شارانى وتكىزۋدەگى باستى ماقسات – ىبىراي شى­عارمالارى ارقىلى ءوڭىر جاستارىنىڭ كوركەمسوز وقۋ شەبەرلىگىن, سويلەۋ مادەنيەتىن جەتىلدىرۋ. سون­­داي-اق ادەبيەت پەن ونەرگە قۇشتار دارىندى جاس­­تاردى ىنتالاندىرۋ.

بايقاۋ بارىسىندا ۇمىتكەرلەر ءۇش كەزەڭ بو­يىن­شا بىلىمدەرىن سىناپ كوردى. «مەنىڭ ءپىرىم – ىبىراي» اتتى ءبىرىنشى كەزەڭدە قاتىسۋشىلار ۇلى اعارتۋشىعا ارناعان ارناۋ ولەڭدەرىن وقىدى. ودان كەيىن ەكرانداعى ۇياشىقتاردى تاڭداۋ ارقىلى ىبىراي ءالتىنساريننىڭ سوڭعى ۇلگىدەگى لاتىن گرافيكاسىنا تۇسىرىلگەن شىعارماسىنان ءۇزىندى وقىپ بەردى. ال ءۇشىنشى كەزەڭگە وتكەندەر ىبىراي اتامىزدىڭ ولەڭدەرىن كوركەم تىلمەن مانەرلەپ وقىپ شىقتى.

بايقاۋ قورىتىندىسى بويىنشا «مەنىڭ ءپىرىم – ىبىراي» اتالىمىن قوستاناي قالاسىنىڭ №14 مەكتەبىنىڭ مۇعالىمى ا.امانباەۆا, «التىنسارين مۇراسىنىڭ بىلگىرى» اتالىمىن ارقالىقتاعى №2 امبەباپ عىلىمي كىتاپحاناسىنىڭ قىزمەتكەرى ە.اۋەزحان, «ىبىرايدى وقيمىن دا توقيمىن» اتالىمىن مەڭدىقارا اۋداندىق تىلدەردى وقىتۋ ورتالىعىنىڭ وقىتۋشىسى ي.مۋسينوۆ جەڭىپ الدى. سونداي-اق قازىلار القاسىنىڭ شەشىمىمەن ارقالىق قالاسى ب.مايلين اتىنداعى №3 مەك­تەپ­تىڭ مۇعالىمى ا.ءسالىمجان ءبىرىنشى ورىندى, قوس­تانايداعى ىبىراي التىنسارين مەموريالدىق مۋزەيىنىڭ ءبولىم مەڭگەرۋشىسى س.مىرزاباي ەكىنشى ورىندى يەلەنسە, سارىكول اۋدانىنىڭ ۋريتسك مەكتەپ-ليتسەيىنىڭ مۇعالىمى ە.ءومىرتاي جۇلدەلى ءۇشىنشى ورىندى قاناعات تۇتتى.

قوستاناي وبلىسى