بوكستان سەربيا استاناسى بەلگراد قالاسىندا ءوتىپ جاتقان الەم چەمپيوناتىندا قازاق جىگىتتەرى جەڭىستى جورىقتارىن جالعاستىرۋدا, دەپ حابارلايدى Egemen.kz.
57 كەلى سالماق دارەجەسىندەگى ەل ءۇمىتى سەرىك تەمىرجانوۆ دودانىڭ 1\16 فينالىندا جاستار اراسىنداعى الەم چەمپيونى, جاپونيالىق رەيتو تسۋتسۋميمەن قولعاپ ءتۇيىستىردى. بۇل جەكپە-جەكتە سەرىك قارسىلاسىنا شەبەرلىك ساعاتىن وتكىزدى دەۋگە دە بولادى. ءتىپتى جاپونيالىق جاس پەرىنى ەكىنشى راۋندتا ءبىر مارتە ەسەڭگىرەتىپ تە الدى. ناتيجەسىندە تورەشىلەر قازاق جىگىتىنىڭ جەڭىسىن مويىندادى.