قۇرىلىس ماتەريالدارى ءوندىرىسىنىڭ كولەمى ءوستى

مQazIndustry قازاقستاندىق يندۋستريا جانە ەكسپورت ورتالى­عى­نىڭ حابارلاۋىنشا, 2021 جىل­دىڭ 9 ايىندا قۇرىلىس ماتە­ريالدارىن ءوندىرۋ سالاسى ونەر­كا­سىپ ءوندىرىسى كولەمىنىڭ 2,5 پايى­زىن جانە وڭدەۋ ونەركاسىبى ءون­دى­رى­سى كولەمىنىڭ 5,4 پايىزىن قام­تاماسىز ەتتى.

قاڭتار-قىركۇيەكتە ءونىمنىڭ ناقتى كولەم يندەكسى 110,1 پا­يىز­­دى قۇراعان. كەلەسى تاۋارلار بويىنشا ءوسىم بايقالىپ وتىر: وتقا ءتوزىمدى بۇيىمدار (+70 پا­يىز­), وتقا ءتوزىمدى ەمەس كەرا­مي­كا­لىق كىرپىشتەر (+56 پايىز), پورتلاندتسەمەنت (+18,3 پايىز), شلاك ماقتا, مينەرالدى سيليكاتتى ماقتا جانە ۇقساس مينەرالدى ماقتا (+48 پايىز), قۇرىلىس ەرىتىندىلەرى (+38,7 پايىز), گيپس (+66,4 پايىز), ەسكەرتكىشتەر, ار­لەۋ جانە قۇرىلىس ءۇشىن وڭ­دەل­گەن تاس (+55,7 پايىز). سونداي-اق كەراميكالىق قاپتاۋىش كىر­پىش­تەر (-8,5 پايىز), تاقتالار, تاق­تايشالار جانە تسەمەنتتەن, بەتوننان نەمەسە جاساندى تاس­تان جاسالعان ۇقساس بۇيىمدار (-8,9 پايىز), بەتوننان جاسالعان قۇراما قۇرىلىس كونسترۋكتسيالارى (-10,6 پايىز), تاۋارلىق بەتون (-10,4 پايىز) سەكىلدى تاۋارلاردىڭ كو­لەمى تومەندەگەن.

قاڭتار-تامىزدا قۇرىلىس ما­تەريالدارىنىڭ ەكسپورتى 2020 جىلدىڭ سايكەس كەزەڭىمەن سالىس­تىر­عاندا 5,7 پايىزعا ۇلعايدى. ياعني 143 ملن دوللاردى قۇرادى. زات­تاي ماندە ەكسپورت كولەمى 6,9 پا­يىزعا تومەندەپ, 1 ملن 414,4 مىڭ تونناعا تەڭ بولدى. بىلتىر ەكس­پورت كولەمى 1 519,8 مىڭ تون­نانى قۇراعان ەدى. وتاندىق ونىم­دەر­دىڭ نەگىزگى بولى­گى وز­بەكس­تان, رە­سەي جانە قىر­عىز­­ستان مەم­لە­كەت­تەرىنە ەكسپورت­تا­­لادى.

قاڭتار-تامىز ايلارىندا وتان­دىق نارىققا كەلگەن قۇرىلىس ماتەريال­دارىنىڭ يمپورتى 873,3 ملن دوللاردى قۇرادى. بۇل ءبىر جىل بۇرىنعى دەڭگەيدەن 24,1 پايىزعا جوعارى. زاتتاي ماندە تاۋار­لار كولەمى 2 ملن 728 مىڭ تون­نانى قۇراپ, وتكەن جىلدىڭ 8 ايى­نا قاراعاندا (1 979 مىڭ توننا) 37,9 پايىزعا ارتتى. نەگىزگى يمپورتتاۋشى ەلدەردىڭ قاتا­رىن­دا رەسەي, قىتاي جانە تۇركيا بار.

2021 جىلدىڭ سەگىز ايىندا قا­زاقستانداعى قۇرىلىس ما­تە­ريال­­دارى نارىعىنىڭ كولەمى 2 ملرد 242 ملن دوللارعا تەڭ بولدى. ونىڭ 61 پايىزى وتاندىق تاۋار وندىرۋشىلەردىڭ ۇلەسىنە, 39 پايىزى يمپورتتىق ءونىمنىڭ ۇلە­سىنە تيەسىلى.

بۇگىندە قازاقستاننىڭ قۇ­رى­لىس سالاسىندا 2 184 كاسىپ­ورىن جۇمىس ىستەيدى. ولاردىڭ نە­گىزگى ۇلەسى (95 پايىز) شاعىن بيز­نەس كاسىپورىندارىنا تيە­سى­لى. رەسپۋبليكادا سالانىڭ بار­لىق دەرلىك سەگمەنتىنە قا­جەت­­تى قۇ­رىلىس ماتەريالدا­رى شى­عا­رىلادى. سالا ىشكى نا­رىق­تىڭ 61 پايىزىن قامتا­ما­سىز ەتەدى. ءون­دىرىستىڭ ەڭ كوپ كولەمى قارا­عان­دى جانە الما­تى وبلىستارىنا, سونداي-اق نۇر-سۇلتان جانە شىمكەنت قالالارىنا تيەسىلى.

سالاداعى وتاندىق ماتەريالدار ءوندىرىسىنىڭ وسۋىنە قۇرى­لىس جونىندەگى مەملەكەتتىك باع­دار­لامالار سەپتىگىن تيگىزگەن. ماسە­لەن, «نۇرلى جەر» مەملەكەتتىك باع­دارلاماسىن ىسكە اسىرۋ اياسىندا 2021 جىلدان 2025 جىلعا دەيىنگى ارالىقتا 103 ملن شارشى مەتردى پايدالانۋعا بەرۋ ءۇشىن تۇرعىن ءۇي سەكتورىنىڭ قۇرىلىسى قارقىندى جۇرگىزىلۋدە. تۇرعىن ءۇي قۇرىلىسى نۇر-سۇلتان قالا­سىن­دا عانا ەمەس (21,4 ملن شارشى مەتر), وڭىرلەردە دە قار­قىن العان.

وسى جىلدىڭ قاڭتار-قىر­كۇيەك ايلارىندا قۇرىلىس جۇ­مىس­تارىنىڭ كولەمى 3 ترلن 648,9 ملرد تەڭگەنى قۇرادى. بۇل 2020 جىلدىڭ سايكەس كەزەڭىنەن 9,7 پا­يىزعا ارتىق. قۇرىلىس جۇ­مىس­تارى كولەمىنىڭ ۇلعايۋى رەس­پۋب­ليكانىڭ بارلىق وڭىرىندە بايقالىپ وتىر. قۇرىلىس جۇ­مىس­تارى اقمولا, ماڭعىستاۋ وب­لىستارىندا جانە الماتى قالا­سىندا (1,2 ەسە), اتىراۋ, باتىس قازاقستان, قوستا­ناي, تۇر­كىستان, جامبىل, الماتى, شى­عىس قازاقستان وبلىستارىندا, شىمكەنت جانە نۇر-سۇل­تان قالالارىندا (1,1 ەسە) ۇل­­عاي­­عان. وسى جىلدىڭ 9 ايىندا پاي­دالانۋعا بەرىلگەن جاڭا نى­سان­­داردىڭ جالپى اۋدانى 12 ملن 196,6 مىڭ شارشى مەترگە تەڭ.

قازىرگى ۋاقىتتا زاۋىتتار تسە­مەنت­كە دەگەن قاجەتتىلىكتىڭ 92 پا­­­يى­زىن قاناعاتتاندىرىپ وتىر. ىشكى نارىق تولىعىمەن وتاندىق بەتونمەن جانە تەمىربەتون بۇ­يىم­­دارىمەن قامتاماسىز ەتىل­گەن. قۇرىلىستا جانە جوندەۋ جۇمىستارى كەزىندە تەك وتاندىق گيپسوكارتون مەن قۇرعاق قۇرىلىس قوسپالارى قولدانىلادى. جىلۋ وقشاۋلاعىش بۇيىمدار, كەرامي­كا­لىق كىرپىشتەر, لاك-بوياۋ بۇ­يىم­دارى ءوندىرىسى ازىرشە اناۋ ايت­قانداي دامي قويعان جوق.

ال ارلەۋ ماتەريالدارى ءالى دە بولسا يمپورتقا تاۋەلدى. ءوندى­رىستى ۇيىمداستىرۋ ءۇشىن شيكى­زات بازاسىمەن قامتاماسىز ەتۋ قاجەت. بۇعان تاۋ-كەن بايىتۋ كوم­بيناتتارىنىڭ قىزمەتىن ۇيىم­داست­ىرۋ ارقىلى دا, پوليمەرلى حيميانى دامىتۋ ارقىلى دا قول جەتكىزۋگە بولادى. QazIndustry ساراپ­شىلارى بۇل سالانىڭ باسە­كە­گە قابىلەتتىلىگىنە وڭ اسەر ەتە­دى دەپ سانايدى. ولاردىڭ پى­كىرىن­شە, كۇردەلى تاۋارلار ءوندى­رى­سىن ۇيىمداستىرۋ ىشكى نا­رىق­­تى قوسىلعان قۇنى جوعارى ونىم­­مەن قامتاماسىز ەتەدى جانە بولا­­شاق­تا ماكرووڭىردىڭ ەكس­پورت­­­تىق نارىقتارىنا شىعۋ­عا مۇم­كىن­دىك بەرەدى. قازىرگى ۋا­قىت­تا قا­راستىرىلىپ وتىر­عان سەگ­مەنت­تەر­دىڭ يمپورتىن الماس­تىرۋ ءۇشىن شەتەلدىك ينۆەس­تي­تسيا­لار­دىڭ كومەگىمەن بىرقاتار جوبا ىسكە اسىرىلۋدا.