قر دسم وڭىرلىك سانيتاريالىق-ەپيدەميولوگيالىق باقىلاۋ دەپارتامەنتتەرى مەن مونيتورينگتىك توپتار 1 قاڭتار مەن 25 قازان ارالىعىندا 198 930 رەيد جۇرگىزدى, دەپ حابارلايدى Egemen.kz.
باقىلاۋ بارىسىندا 1 042 798 نىسان تەكسەرىلدى. ونىڭ اراسىندا 29 215 نىساندا كارانتين شارالارى بۇزىلعان (2,8 %).
كەمشىلىكتەردىڭ باسىم بولىگى شقو-دا (5 526), تۇركىستان وبلىسىندا (4 628), الماتى قالاسىندا (4 207), نۇر-سۇلتاندا (2 891), شىمكەنتتە (2 583), قاراعاندى وبلىسىندا (1 782) انىقتالدى.
مىناداي كارانتين شارالارى ءجيى بۇزىلعان: شوب سۋبەكتىلەرى ۋاقىتشا جۇمىس رەجيمىن ساقتاماعان, كافەلەر مەن مەيرامحانالاردا ءتۇرلى بۇقارالىق ءىس-شارالار زاڭسىز وتكىزىلگەن, قوناقتار مەن قىزمەتكەرلەر قاراپايىم سانيتارلىق ەرەجەلەردى ەلەمەگەن.
مونيتورينگتىك توپ 4 218 مارتە جوسپاردان تىس تەكسەرۋ جۇرگىزدى. ولاردىڭ قورىتىندىسى بويىنشا وڭىرلىك دەپارتامەنتتەردىڭ قىزمەتكەرلەرى 3 887 ۇيعارىم بەردى, 410 ماتەريال سوتقا جىبەرىلدى, ال 118 نىساننىڭ قىزمەتى توقتاتىلدى.
كارانتين كەزەڭىندە شەكتەۋ شارالارىن بۇزعانى ءۇشىن 26 140 شوب سۋبەكتىسى جاۋاپكەرشىلىككە تارتىلدى.
15 839 زاڭدى جانە 10 301 جەكە تۇلعاعا جالپى سوماسى 2,1 ملرد تەڭگەدەن اساتىن اكىمشىلىك ايىپپۇل سالىندى.