ەلىمىزدە ءدىني ەكسترەميزم مەن تەرروريزمگە قارسى ءىس-قيمىل جونىندەگى 2018-2022 جىلدارعا ارنالعان مەملەكەتتىك باعدارلامانى جۇزەگە اسىرۋعا جاستار دا اتسالىسىپ ءجۇر. اتاپ ايتقاندا, جامبىل وبلىسى اكىمدىگى مەن «تيەك» جاستاردى دامىتۋ ورتالىعى اتالعان وبلىستا ەكسترەميزم جانە تەرروريزمنiڭ الدىن الۋ ماقساتىندا سەمينار-ترەنينگتەر وتكىزدى.
ورنىقتى دiني احۋال قالىپتاستىرۋ ءۇشىن تۇزەتۋ مەكەمەلەرىندە ەكسترەميزم مەن تەرروريزمگە قارسى كۇرەس كەشەندى تۇردە جۇرگىزىلدى دەسە بولادى. سەمينار-ترەنينگتەردە دiني ەكسترەميزم مەن تەرروريزمنiڭ الدىن الۋ ىسىنە تەولوگتەر, رەسمي ءدىن وكىلدەرى, پسيحولوگتەر, ۇكiمەتتiك ەمەس ۇيىمدار جۇمىلدىرىلدى. تۇزەتۋ مەكەمەلەرىندە اتالعان قىلمىس تۇرىنە قاتىستى باس بوستاندىعىنان ايىرىلعان ادامدارعا قىلمىستىق اتقارۋ جۇيەسى كوميتەتىنىڭ لەكتورلارىمەن بىرگە نۇر-مۇباراك مىسىر يسلام مادەنيەتى ۋنيۆەرسيتەتىنەن ك.سماعۇلوۆ, ن.ستامباكيەۆ, د.مەيىربەكوۆ سياقتى دارىسكەرلەر اقپاراتتىق-تۇسiندiرمە جۇمىستارىن جۇرگىزدى. قازاقستاننىڭ تاريحى مەن مادەنيەتى, ساياساتتانۋ جانە ءدىنتانۋ بويىنشا جالپى ءبىلىم بەرەتىن دارicتەر وقىلدى. كەشەندى جۇمىس بارىسىندا رەسپۋبليكالىق اقپاراتتىق-ءتۇسiندiرۋ توبىنىڭ ساراپشى-پسيحولوگى, پسيحولوگيا كافەدراسىنىڭ اعا وقىتۋشىسى ل.شاكيموۆا ينتەراكتيۆتى تاقتا ارقىلى راديكالدى كوزقاراستاعى ادامدار ساناسىنا اسەر ەتەتىن كوممۋنيكاتيۆتiك تەحنولوگيالاردى قولداندى. تەولوگيالىق اقپاراتتىق-ءتۇسiندiرۋ شارالارى اۋديو-بەينەماتەريالدارى قولجەتىمدى, ارنايى جابدىقتالعان كابينەتتە ءوتتى. وندا پسيحوتەراپەۆتىك نەمەسە پسيحوكوررەكتسيالىق اسەر ەتۋ كوزدەلدى. قىلمىستىق-اتقارۋ جۇيەسى مەكەمەلەرىندەگى سوتتالعان ادامدارمەن تەولوگيالىق وڭالتۋ جۇمىستارىن ۇيىمداستىرۋ جونىندەگى قاعيدالار نەگىزگە الىندى. دiني ەكسترەميزم مەن تەرروريزم يدەولوگيالارىن, دەسترۋكتيۆتى اعىمداردى ۇستانۋشى سوتتالعاندارعا ارنالعان مۇنداي كەشەندى تەولوگيالىق وڭالتۋ جۇمىستارىنىڭ ماڭىزى وتە زور. ولاردىڭ ومىرلىك ۇستانىمىن وزگەرتۋگە باعىتتالعان پسيحولوگيالىق ترەنينگ قىلمىستىق اتقارۋ جۇيەسى مەكەمەلەرiندە تەرىس يدەيالار تاراۋىنىڭ الدىن الادى.
انجەلا ينجيگوليان, الەۋمەتتانۋ عىلىمدارىنىڭ كانديداتى