استانادا ايەلدىڭ باسىنا تۇرعىن ءۇي كەشەنىنىڭ توبەسىنەن شىنىسى بار تەمىر كونسترۋكتور قۇلادى. زارداپ شەگۋشى جانساقتاۋ بولىمىندە جاتىر, دەپ حابارلايدى Egemen.kz نۇر-سۇلتان قالالىق پد ءباسپاسوز قىزمەتىنە سىلتەمە جاساپ.
سىعاناق كوشەسىندەگى بيزنەس-ورتالىقتىڭ شاتىرىنان ايەلدىڭ ۇستىنە مەتالل كونسترۋكتسيانىڭ قۇلاۋىنا قاتىستى پوليتسيا تۇسىنىك بەردى.
وقىس وقيعا «102» شۇعىل بايلانىس جەلىسىنە بيىلعى جىلدىڭ 22 قازانىندا ساعات 13:00-دە كەلىپ ءتۇستى. قاتتى سوققان جەلدىڭ كەسىرىنەن تەمىر كۇمبەز قۇلاپ, 56 جاستاعى ايەل زارداپ شەكتى.
– بۇل فاكتىگە سايكەس, ەسىل اۋداندىق پوليتسيا ءبولىمى قر قىلمىستىق كودەكستىڭ 306-بابى بويىنشا سوتقا دەيىنگى تەرگەۋدى باستادى, قاجەتتى ساراپتامالار تاعايىندالدى, – دەيدى نۇر-سۇلتان قالالىق پد ءباسپاسوز قىزمەتى.