الماتى پوليتسياسىنا 22 قازاندا تاڭەرتەڭنەن بەرى جول-كولىك وقيعاسى تۋرالى 57 حابارلاما ءتۇستى, دەپ حابارلايدى Egemen.kz.
الماتىدا بۇگىن, 22 قازاندا قار جاۋىپ, اۋا رايى كۇرت ناشارلاپ كەتتى. سالدارىنان جولداردا جازاتايىم وقيعالار كوبەيىپ, الەۋمەتتىك جەلىلەردە جول اپاتى تۋرالى دەرەكتەر جاريالانىپ جاتىر.
الماتى پوليتسياسى جۇرگىزۋشىلەردى اۋا رايى قولايسىزدىعىنا بايلانىستى قاۋىپسىزدىك شاراسىن كۇشەيتۋگە شاقىردى.
«ۇندەۋ قاۋىپ جوعارى كولىك قۇرالىن پايدالاناتىن قالا جۇرگىزۋشىلەرىنە ارنالعان. ولاردى جول قوزعالىسى ەرەجەلەرىن قاتاڭ ساقتاۋعا, كولىك جۇرگىزۋ مادەنيەتىن جانە ۇقىپتىلىقتى ارتتىرۋعا شاقىرامىز. بۇل ۇندەۋ قازىر وزەكتى جانە جول اپاتىنىڭ الدىن الۋعا كومەكتەسەدى», دەدى الماتى قالاسىنىڭ اكىمشىلىك پوليتسيا باسقارماسى باستىعىنىڭ ورىنباسارى بولاتبەك باياتانوۆ.