Egemen Qazaqstan گازەتىنىڭ 2021 جىلعى 12 قازانداعى سانىندا موڭعوليانىڭ قازاقستانداعى توتەنشە جانە وكىلەتتى ەلشىسى لۋۆسانگين باتتۋلگادان العان مەرۋەرت بۇركىتباەۆانىڭ سۇحباتى جارىق كوردى, دەپ حابارلايدى Egemen.kz.
موڭعوليا ەلشىسى قازاقستان - موڭعوليا اراسىنداعى قارىم-قاتىناس, ىنتىماقتاستىق پەن دوستىقتى ايتا وتىرىپ, موڭعولياداعى قازاقتاردىڭ ءومىر ءسۇرۋ سالتىنا قىسقاشا توقتالدى.
«موڭعولياداعى وزگە ۇلت وكىلدەرىنىڭ ىشىندەگى سانى جاعىنان ەڭ كوبى – قازاقتار. ولار بايان-ولگي ايماعىندا شوعىرلانىپ, ءومىر سۇرەدى. قازاقستان تاۋەلسىزدىگىن جاريالاعان سوڭ دۇنيە جۇزىنە تارالىپ كەتكەن قانداستارىن ەلگە ورالۋعا شاقىرىپ, كوشىرىپ الۋ ءىسىن قارقىندى جۇرگىزدى. موڭعوليادان 90 مىڭداي قازاق اعايىن قازاقستانعا كوشىپ كەلگەن. موڭعوليادا ءومىر ءسۇرىپ جاتقان قازاقتار – موڭعوليا قوعامىنىڭ اجىراماس ءبىر توبى. قازاقستان تارابى بايان-ولگي ايماعىندا ديپلوماتيالىق وكىلدىك اشۋ تۋرالى ۇسىنىس ءبىلدىرىپ كەلەدى. بۇل ماسەلە جايلى كەلىسسوز جۇرگىزىلۋ ۇستىندە», دەدى لۋۆسانگين باتتۋلگا.