كوركەم بەينەنى بوياۋ تىلىمەن سويلەتكەن سۋرەتشى, كەسكىندەمەشى, مادەنيەت قايراتكەرى, پرەزيدەنت ستيپەندياسىنىڭ يەگەرى جەڭىس كاكەن ۇلىنىڭ «سايگ ۇلىك سەمانتيكاسى-4» اتتى جەكە كورمەسى قازاق ەلىنىڭ تۇڭعىش پرەزيدەنتىنىڭ مۋزەيىندە اشىلدى.
اۆتوردىڭ 50 تۋىندىسى قويىلعان كورمە مۋزەيدىڭ ارىپتەستىك جوباسى اياسىندا ۇيىمداستىرىلعان. تۋىندىلاردىڭ بارلىعى 2006-2013 جىلدار ارالىعىندا سالىنعان ەكەن. اتاپ ايتقاندا, «ارباۋ ولەڭ», «جاسىرىنباق-2», «سىيلىق», «كەنتاۆردىڭ عاشىعى», «جەتكىنشەك», «بايشۇبار», تاعى باسقالار. اۆتوردىڭ اسىرەسە «باسىرە» دەپ اتالاتىن دۇنيەسىنىڭ ءجونى بولەك.
– جىلقى تەكتى جانۋار عوي. ءتىلى جوق دەمەسەڭ, ءبارىن تۇسىنەدى. مەنىڭ باسقا سۋرەتشىلەردەن ەرەكشەلىگىم – جىلقىنى ادام دەڭگەيىنە كوتەرىپ, بەينەلەۋگە تالپىنىپ كەلەمىن.
سۋرەتشى جەڭىس كاكەن ۇلىنىڭ تۋىندىلارى 1988 جىلدان بەرى ەلىمىزدەگى, سونداي-اق, اقش, گەرمانيا, ءتۇركياداعى كورمەلەردەن ورىن الىپ ءجۇر. ال وتكەن جىلى سۋرەتشى «اق زەر» كىتابىن جارىققا شىعاردى. بۇل جيناققا ۇلتتىق بەينەلەۋ ونەرى, قازاق سۋرەتشىلەرىنىڭ شىعارماشىلىق بولمىسى تۋرالى پۋبليتسيستيكالىق ەڭبەكتەرى, ونەرتانۋ جايلى ماقالالارى توپتاستىرىلعان. ول «فوليانت» باسپاسىنىڭ سۋرەتشىسى رەتىندە قىرىقتان استام كىتاپتى بەزەندىرگەن.
جانەركە تولەن,
ەۇۋ-ءدىڭ ستۋدەنتى.
––––––––––––––––––
سۋرەتتەردى تۇسىرگەن ەرلان وماروۆ.