اتىراۋدا 6-قاباتتان قۇلاعان 5 جاسار قىز اۋرۋحانادا كوز جۇمدى, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن ءمالىم ەتكەندەي, بۇگىن, 20 قازاندا ساعات 15:05-تە جەدەل جاردەمگە شاقىرتۋ تۇسكەن.
«بۇگىن وبلىستىق بالالار اۋرۋحاناسىنا اتىراۋ قالاسىنداعى «نۇرسايا» شاعىن اۋدانىندا ورنالاسقان تۇرعىن ءۇيدىڭ 6-قاباتىنان قۇلاعان 5 جاسار قىز جەتكىزىلدى.
جانساقتاۋ بولىمىنە تۇسكەندە ونىڭ جاعدايى وتە اۋىر ەدى. ناۋقاستا جابىق باس-مي جاراقاتى بولعان. جامباسى سىنعان, ىشكى اعزاسى زاقىمدانعان. دارىگەرلەر 5 جاسار قىزدىڭ ءومىرىن ساقتاپ قالۋ ءۇشىن ەمدەۋ شارالارىن جۇرگىزدى. الايدا, اۋىر جاراقات العان ناۋقاس جانساقتاۋ بولىمىندە كوز جۇمدى», دەپ حابارلادى باسقارمانىڭ ءباسپاسوز قىزمەتى.