الماتى وبلىسىنداعى «التىن ادام» تابىلعان ايگىلى ەسىك قورعاندارى جەر بەتىنەن مۇلدەم جويىلىپ كەتۋى ىقتيمال. بۇل تۋرالى «جەتىنشى ارنا» حابارلادى.
ساق قورعاندارى جاتقان تاريحي مەكەنگە ەرەكشە قورعاۋعا جاتاتىن مارتەبە بەرىلگەنىمەن, سونىڭ 90 پايىزعا جۋىق ايماعى جەكە تۇلعالارعا ساتىلىپ كەتكەن. قورىق قىزمەتكەرلەرىنىڭ ايتۋىنشا, كوكتەم شىعا قورعاننىڭ ءبىر بولىگى ءسۇرىلىپ, وندا قۇرىلىس جۇمىستارى باستالاتىن كورىنەدى. «ەسىك قورعاندارى توڭىرەگىنە مەكتەپ سالۋدىڭ قاجەتى جوق. مەن وسى ماسەلەگە قاتىستى نارازىلىعىمدى جەرگىلىكتى اكىمشىلىككە ايتتىم», - دەيدى «ەسىك» مەملەكەتتىك تاريحي-مادەني قورىق-مۇراجايى رەسپۋبليكالىق مەملەكەتتىك قازىنالىق كاسىپورنىنىڭ ديرەكتورى گۇلميرا مۇحتاروۆا.
ەڭبەكشىقازاق اۋدانى اكىمىنىڭ ورىنباسارى نۇرجان قۇدايبەرگەنوۆتىڭ ايتۋىنشا, ەسىك قالاسىندا جەر تەلىمى تاپشىلىعىنان قورعان جانىنان مەكتەپ سالۋ جوسپارلانعان. ال قورىق قىزمەتكەرلەرى جەرگىلىكتى بيلىكتىڭ بۇل شەشىمىمەن كەلىسپەي وتىر.
وسىدان ءبىر جىل بۇرىن رەسپۋبليكالىق بۇقارالىق اقپارات قۇرالى وكىلىنە بەرگەن جاۋابىندا وڭىرلىك تاريحي-مادەني مۇرالاردى ساقتاۋ ورتالىعىنىڭ ديرەكتورى ەسەت داۋرەنباەۆ بىلاي دەگەن ەدى: «ەسىك قورعاندارى دۇنيەجۇزىلىك يۋنەسكو مۇراسىنىڭ تىزىمىنە ەنگىزىلۋى مۇمكىن. سونىمەن بىرگە, جامبىل اۋدانىنداعى تامعالى-تاس پەتروگليفتەرى مەن سارقاند اۋدانىنداعى قويلىق قالاشىعى,تالعار اۋدانىنداعى تالحيس قالاشىعى جانە بالقاش اۋدانىنداعى قارامەرگەن قالاشىقتارى تىزىمگە ەنگىزىلەدى. قازىر وسىعان قاتىستى ۇيىمداستىرۋ جۇمىستارى جۇرگىزىلۋدە. 2014 جىلى مادەني مۇرالارعا ارنالعان يۋنەسكو -نىڭ ءتىزىمىن ەسىك قورعاندارى تولتىرار دەپ ۇمىتتەنەمىز».
ءامىرحان الماعانبەتوۆ.
دەرەككوز: «جەتىنشى ارنا».
فوتو: Zhetysu.gov.kz.