سەمەيدە «الەۋمەتتىك جۇمىس ورنى» كىشى باعدارلاماسى جاقسى جۇمىس ىستەپ تۇر. قالانى دامىتۋ باعدارلاماسى اياسىندا ءوتكەن جىلى 2739 ادام تۇراقتى جۇمىسپەن قامتىلدى. سونىمەن قاتار جۇمىسپەن قامتۋ ءبولىمى جۇمىسسىزداردى كاسىپتىك وقىتۋدى ۇيىمداستىرۋدا. وسى كاسىپتىك وقىتۋعا ەڭبەك نارىعىندا سۇرانىسقا يە ماماندىقتار بويىنشا 353 ادام ارنايى جىبەرىلىپتى. سول سياقتى «جاستار تاجىريبەسى» باعدارلاماسى بويىنشا ديپلوم الىپ شىققان جاس ماماندار تاجىريبە جيناقتاۋعا مۇمكىندىك الدى. وسى باعدارلاما شەڭبەرىندە 235 تۇلەككە قالانىڭ جانە اۋىلدىق وكرۋگتەردىڭ 95 كاسىپورىندارىنا جولداما بەرىلدى», دەيدى قالالىق جۇمىسپەن قامتۋ جانە الەۋمەتتىك باعدارلامالار ءبولىمى ەڭبەك نارىعى سەكتورىنىڭ مەڭگەرۋشىسى ريما قۇساەۆا. ال اقىلى قوعامدىق جۇمىستار قالا جانە اۋىلدىق جەرلەردە جۇزەگە اسىرىلعان. ءدال وسىنداي جۇيەلى جۇمىستار123 كاسىپورىن مەن ۇيىمداردا ۇيىمداستىرىلدى.
راۋشان نۇعمانبەكوۆا.
سەمەي.